«مەملەكەت باسشىسىنىڭ جارلىعىمەن ەرلان نۇرالى ۇلى نىسانباەۆ قازاقستان رەسپۋبليكاسىنىڭ ەكولوگيا جانە تابيعي رەسۋرستار ءمينيسترى لاۋازىمىنا تاعايىندالدى», دەلىنگەن اقوردا ءباسپاسوز قىزمەتى تاراتقان اقپاراتتا.ەرلان ءنۇرالى ۇلى 1961 جىلى الماتى وبلىسىندا دۇنيەگە كەلگەن. قازاق اۋىل شارۋاشىلىعى ينستيتۋتىن, اباي اتىنداعى قازاق ۇلتتىق پەداگوگيگالىق ۋنيۆەرسيتەتىن تامامداعان.
ماماندىعى - ورمان شارۋاشىلىعى ينجەنەرى, قارجى باكالاۆرى. اۋىل شارۋاشىلىعى عىلىمدارىنىڭ كانديداتى.
ەڭبەك جولىن 1983 جىلى الماتى وبلىسىندا ۇيعىر ورمان شارۋاشىلىعىنىڭ شەبەرى بولىپ باستاعان.
1984-1989 جىلدارى ۇيعىر اۋداندىق كوميتەتىنىڭ ۇيىمداستىرۋ ءبولىمى مەڭگەرۋشىسىنىڭ ورىنباسارى, نۇسقاۋشى, 1989-1991 جىلدارى الماتى وبلىستىق كوميتەتىنىڭ اۋىل شارۋاشىلىعى ءبولىمىنىڭ سەكتور مەڭگەرۋشىسى, 1991-2004 جىلدارى كوممەرتسيالىق ۇيىمدار قۇرىلىمىندا قىزمەت ەتتى.
2004-2009 جىلدارى «استانا-زەلەنستروي» اق-دا باسشىلىق لاۋازىمداردى اتقارىپ, 2009 جىلى اۋىل شارۋاشىلىعى مينيسترلىگى ورمان جانە اڭشىلىق شارۋاشىلىعى كوميتەتىنىڭ توراعاسى قىزمەتىنە تاعايىندالدى.
2013-2014 جىلدارى قورشاعان ورتا جانە سۋ رەسۋرستارى ءمينيسترىنىڭ ورىنباسارى, 2014-2021 جىلدارى اۋىل شارۋاشىلىعى ءمينيسترىنىڭ ورىنباسارى, ەكولوگيا, گەولوگيا جانە تابيعي رەسۋرستار ءمينيسترىنىڭ ورىنباسارى بولدى.
2021 جىلدان 2023 جىلعا دەيىن س.سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ باسقارما توراعاسىنىڭ ستراتەگيالىق دامۋى جانە حالىقارالىق بايلانىستارى بويىنشا ورىنباسارى لاۋازىمىندا جۇمىس ىستەدى. تاعايىندالعانعا دەيىن استانا قالاسى اكىمىنىڭ كەڭەسشىسى قىزمەتىن اتقاردى.
«پاراسات», «قۇرمەت» وردەندەرىمەن ماراپاتتالعان.
