رومان سكليارعا قازاقستان ۇكىمەتىن ۋاقىتشا باسقارۋ جۇكتەلدى

مەملەكەت باسشىسى قاسىم-جومارت توقاەۆ ۇكىمەتتىڭ وتستاۆكاسىن قابىلداپ, «قازاقستان رەسپۋبليكاسىنىڭ ۇكىمەتى تۋرالى» جارلىققا قول قويدى.

«قازاقستان رەسپۋبليكاسى پرەمەر-ءمينيسترى مىندەتتەرىن ۋاقىتشا اتقارۋ رومان ۆاسيلەۆيچ سكليارعا جۇكتەلسىن», دەلىنگەن قۇجاتتا.

پرەزيدەنت قازاقستان رەسپۋبليكاسى ۇكىمەتىنىڭ مۇشەلەرىنە «ۇكىمەتتىڭ جاڭا قۇرامى بەكىتىلگەنگە دەيىن ءوز مىندەتتەرىن ورىنداۋدى جالعاستىرۋ تۋرالى» شەشىم قابىلدادى.

جارلىق قول قويىلعان كۇننەن باستاپ كۇشىنە ەنەدى.

رومان ۆاسيلەۆيچ سكليار 1971 جىلى 8 مامىردا پاۆلودار قالاسىندا دۇنيەگە كەلگەن.

پاۆلودار مەملەكەتتىك ۋنيۆەرسيتەتىن ينجەنەر-قۇرىلىسشى ماماندىعى بويىنشا, سونداي-اق ماسكەۋ زاماناۋي بيزنەس ينستيتۋتىن ەكونوميست ماماندىعى بويىنشا جانە قازاق قۇقىق جانە حالىقارالىق قاتىناستار ينستيتۋتىن زاڭگەر ماماندىعى بويىنشا بىتىرگەن.

ەڭبەك جولىن 1989 جىلى سلەسار بولىپ باستادى.

1989-1990 جج - «قازپرومتەحمونتاج» وندىرىستىك-مونتاج باسقارماسى ەكىباستۇز كەسىندى-قۇرىلىس باسقارماسىنىڭ مونتاجشىسى.

1990 جىلدان - پاۆلودار قالاسىنداعى «ۆاحينۆەست» كەڭەستىك-باتىس گەرماندىق بىرلەسكەن كاسىپورنىنىڭ قاۋىپسىزدىك تەحنيكاسى جونىندەگى ينجەنەرى.

1990-1999 جج — «انسات-پاۆلودار» جشس كوممەرتسيالىق ءبولىمىنىڭ باستىعى, ديرەكتوردىڭ ورىنباسارى, باس ديرەكتورى.

1999-2002 جج - «تىنىس» جشس ديرەكتورى, پاۆلودار ق.

2002-2003 جج - قازاقستان رەسپۋبليكاسى قارجى مينيسترلىگى دارمەنسىز بورىشكەرلەرمەن جۇمىس كوميتەتىنىڭ پاۆلودار وبلىسى بويىنشا باسقارما باسقارماسىنىڭ باسشىسى.

2003-2005 جج - پاۆلودار قالاسىنىڭ كوممۋنالدىق مەنشىك باسقارماسى باسشىسىنىڭ ورىنباسارى.

2005 جىلدىڭ قاڭتارىنان - پاۆلودار وبلىسى اكىمىنىڭ باس ينسپەكتورى.

2005 جىلدىڭ ساۋىرىنەن - ​​پاۆلودار قالاسى اكىمى اپپاراتىنىڭ باسشىسى.

2006 جىلدان - پاۆلودار قالاسى اكىمىنىڭ ورىنباسارى.

2006-2007 جج — استانا قالاسى اكىمى اپپاراتىنىڭ ينفراقۇرىلىمدى دامىتۋ ءبولىمىنىڭ باسشىسى.

2007-2008 جج – استانا قالاسى ەنەرگەتيكا جانە كوممۋنالدىق شارۋاشىلىق دەپارتامەنتىنىڭ ديرەكتورى.

2008-2010 جج - پاۆلودار وبلىسى اكىمىنىڭ ورىنباسارى.

2010-2011 جج - پاۆلودار وبلىسى اكىمىنىڭ ءبىرىنشى ورىنباسارى.

2011-2013 جج - قازاقستان رەسپۋبليكاسى كولىك جانە كوممۋنيكاتسيا ۆيتسە-ءمينيسترى.

2014-2016 جج – «قازاقستان تەمىر جولى» اق ۆيتسە-پرەزيدەنتى.

2016 جىلى - قازاقستان رەسپۋبليكاسى پارلامەنتى ءماجىلىسىنىڭ دەپۋتاتى, قازاقستان رەسپۋبليكاسى پارلامەنتى ءماجىلىسىنىڭ ەكونوميكالىق رەفورما جانە وڭىرلىك دامۋ كوميتەتىنىڭ توراعاسى.

2016 جىلعى مامىردان باستاپ – قازاقستان رەسپۋبليكاسى ۇلتتىق ەكونوميكا ۆيتسە-ءمينيسترى.

2016-2019 جج - قازاقستان رەسپۋبليكاسىنىڭ ينۆەستيتسيالار جانە دامۋ ءبىرىنشى ۆيتسە-ءمينيسترى.

2019 جىلدىڭ اقپانىنان قىركۇيەككە دەيىن قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ ءمينيسترى قىزمەتىن اتقارعان.

2019 جىلعى 18 قىركۇيەكتە قازاقستان رەسپۋبليكاسى پرەزيدەنتىنىڭ جارلىعىمەن قازاقستان رەسپۋبليكاسى پرەمەر-ءمينيسترىنىڭ ورىنباسارى بولىپ تاعايىندالدى. 2021 جىلعى 18 قاڭتاردا قازاقستان رەسپۋبليكاسى پرەزيدەنتىنىڭ جارلىعىمەن وسى قىزمەتكە قايتا تاعايىندالدى.

2022 جىلعى 11 قاڭتاردا قازاقستان رەسپۋبليكاسى پرەزيدەنتىنىڭ جارلىعىمەن قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى بولىپ تاعايىندالدى.

2023 جىلعى 3 ساۋىردە قازاقستان رەسپۋبليكاسى پرەزيدەنتىنىڭ جارلىعىمەن ول قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى قىزمەتىنە قايتا تاعايىندالدى.