حح عاسىردىڭ 60-جىلدارىنىڭ باسىنان باستاپ ارال تەڭىزى سۋىنىڭ ازايۋى ونىڭ ءامۋداريا مەن سىرداريا وزەندەرىن قورەكتەندىرەتىن سۋ رەسۋرستارىن ۇتىمسىز پايدالانۋدان تۋىندادى. تەڭىز سۋى دەڭگەيىنىڭ تومەندەۋى جانە تەڭىز ءتۇبىنىڭ قۇرعاۋى بىرقاتار ەكولوگيالىق پروبلەمالاردى تۋدىردى. ارال تەڭىزىنىڭ قۇرعاپ كەتكەن تۇبىنەن كوتەرىلگەن شاڭ, قۇم, سونداي-اق اۋىل شارۋاشىلىعى حيميكاتتارىنىڭ قالدىقتارى ەلدى مەكەندەر اۋماعىندا جەلمەن تاسىمالدانادى, بۇل حالىقتىڭ ءومىر ءسۇرۋ جاعدايلارىنا تەرىس اسەر ەتەدى.
حاقق-تىڭ جانە Freedom Holding Corp. بىرلەسكەن جوباسى USAID, World Bank جانە ارال تەڭىزىنىڭ ەكوجۇيەسىن قالپىنا كەلتىرۋ جونىندەگى باسقا دا حالىقارالىق دونورلاردىڭ قولداۋىمەن قۇرعاپ كەتكەن تەڭىز تۇبىنە قارا سەكسەۋىل مەن ءتوزىمدى وسىمدىكتەردىڭ باسقا تۇرلەرىن وتىرعىزۋعا باعىتتالعان.
قورعانىش ورمان ەكپەلەرى قورشاعان ورتانىڭ ەكولوگيالىق جاعدايىنا وڭ اسەر ەتەدى: ولار قۇمداردىڭ قوزعالىسىن تەجەيدى, ارال تەڭىزىنىڭ قۇرعاپ كەتكەن تۇبىنەن تۇز بەن شاڭنىڭ ۇرلەنۋىن ازايتادى. قارا سەكسەۋىل جەرگىلىكتى جەردىڭ ميكروكليماتىن جاقسارتادى جانە پارنيكتىك گازداردىڭ دەڭگەيىن تومەندەتۋگە ىقپال ەتەدى. (انىقتاما ءۇشىن: 13 جاستاعى سەكسەۋىلشىلەردىڭ 1 گا-سى 4,95 توننا كومىرتەكتى سىڭىرەدى جانە بۇل رەتتە 3,78 توننا وتتەگىن بولەدى).
2023 جىلى Freedom Holding Corp. جانە USAID 150 گا جەرگە قارا سەكسەۋىلدى پيلوتتىق ءتۇسىرۋ جونىندە حاقق-تى قولدادى. 2024 جىلى “Freedom شاپاعات” ارنايى قايىرىمدىلىق قورى جانە حالىقارالىق دونورلار ارقىلى قوسىمشا 1336 گەكتار جەرگە قارا سەكسەۋىل تۇسىرۋگە جاردەمدەسۋ جوسپارلانۋدا.
Freedom Holding Corp. ءۇشىن ارالدىڭ ەكوجۇيەسىن قالپىنا كەلتىرۋ جوباسى بۇۇ جاھاندىق شارتىنا قول قويۋشى رەتىندە ەنگىزىلەتىن ESG-قاعيداتتارى مەن قابىلدانعان مىندەتتەمەلەردى ءىس جۇزىندە ىسكە اسىرۋ بولىپ تابىلادى.
«بۇگىن ءبىز حاقق-پەن سەرىكتەستىگىمىزدى جالعاستىرۋ جانە قارا سەكسەۋىل, سونداي-اق ارال تەڭىزىنىڭ قۇرعاپ كەتكەن ءتۇبىنىڭ قوسىمشا گەكتار جەرىندە باسقا دا تۇراقتى وسىمدىكتەردى وتىرعىزۋعا كومەكتەسۋ ءۇشىن ىنتىماقتاستىق تۋرالى مەموراندۋمعا قول قويدىق. مۇنداي «كوك» وازيستەردى قۇرۋ ارالداعى ەكولوگيالىق اپاتتىڭ جاعىمسىز سالدارىن ازايتىپ قانا قويماي, سونداي-اق جەرگىلىكتى حالىقتىڭ دەنساۋلىعىنا وڭ اسەر ەتەدى. Freedom Holding Corp بيزنەستى جۇرگىزۋگە جاۋاپكەرشىلىكپەن قاراۋعا باعىتتالعان جانە سوڭعى بىرنەشە جىلدا ەلەۋلى ESG-ترانسفورماتسيادان ءوتتى. ءبىز بۇۇ-نىڭ جاھاندىق شارتىنىڭ جاقتاۋشىلارى رەتىندە كورپوراتيۆتىك باسقارۋدىڭ ىشكى تاجىريبەلەرىن دامىتۋدى جالعاستىرامىز جانە الەۋمەتتىك جانە ەكولوگيالىق ماسەلەلەرگە كوپ كوڭىل بولەمىز», دەدى Freedom Holding Corp. كومپانياسىنىڭ باس اتقارۋشى ديرەكتورى تيمۋر تۋرلوۆ.
