فوتو: وكق
ەگەر بۇرىن ءبىرىنشى سىنىپقا قۇجات قابىلداۋ مەرزىمى ءساۋىردىڭ 1-نەن تامىزدىڭ 1-نە دەيىن جۇزەگە اسىرىلسا, ەندى بالانىڭ اتا-اناسى نەمەسە وزگە دە زاڭدى وكىلدەرى قۇجاتتاردى ءساۋىردىڭ 1-ءى مەن تامىزدىڭ 31-ءى ارالىعىندا وتكىزە الادى.
دەمالىس كەزىندە عانا مەكتەپتەن مەكتەپكە اۋىسۋعا شەكتەۋ الىندى. وسىلايشا, جاڭا ەرەجەلەرگە سايكەس, بالالاردى تۇرعىلىقتى جەرى بويىنشا وقۋ جىلى ىشىندە مەكتەپتەن مەكتەپكە اۋىستىرۋ مۇمكىندىگى بار.
«تەحنيكالىق جانە كاسىپتىك ءبىلىم بەرۋ ۇيىمدارىنا قابىلداۋ كەزەڭى تامىزدىڭ 25-ءى اياقتالۋىنا بايلانىستى ءبىلىم الۋشىلاردىڭ وتىنىشتەرىن ونىنشى سىنىپقا قابىلداۋ مەرزىمى تامىزدىڭ 15-نەن تامىزدىڭ 31-نە وزگەرتىلدى. كوللەدجگە قابىلدانباعان ءبىلىم الۋشىلار مەكتەپتىڭ 10-11 سىنىپتارىندا وقۋىن كەدەرگىسىز جالعاستىرا الادى», دەلىنگەن ۆەدومستۆو حابارلاماسىندا.
