فوتو:/www.instagram.com/polisia_aqtobe/
اقتوبە وبلىستىق پوليتسيا دەپارتامەنتى ەكسترەميزمگە قارسى ءىس-قيمىل باسقارماسىنىڭ قىزمەتكەرلەرى جەدەل-ىزدەستىرۋ شاراسىن وتكىزۋ كەزىندە ەكى كۇدىكتىنى ۇستادى. ولار اقتوبە قالاسىنىڭ كاسىپكەرىن قورقىتىپ, 35 ملن تەڭگە اقشا بوپسالادى.
«كۇدىكتىلەر بۇعان دەيىن دە ىشكى ىستەر ورگاندارىنىڭ ەسەبىندە تۇرعان. بۇل جولى كاسىپكەردەن اقشانىڭ ءبىر بولىگىن الىپ جاتقان كەزدە قولعا ءتۇستى. بۇعان دەيىن جابىرلەنۋشىدەن الىنعان 4 ملن تەڭگە, بىرنەشە ۇيالى تەلەفون, بانك كارتالارى مەن پىشاق تاركىلەندى. بوپسالاۋ فاكتىسى بويىنشا سوتقا دەيىنگى تەرگەپ-تەكسەرۋ باستالدى», دەپ حابارلادى وبلىستىق پوليتسيا دەپارتامەنتى ءباسپاسوز قىزمەتىنىڭ جەتەكشىسى ەربولات سارقۇلوۆ.
