فوتو: primeminister.kz
مەملەكەت باسشىسى قاسىم-جومارت توقاەۆ 5 جىل ىشىندە اۋىل شارۋاشىلىعى سالاسىن دامىتۋدىڭ جاڭا دەڭگەيىنە شىعارۋ جانە جالپى ءونىم كولەمىن 2 ەسەگە ارتتىرۋ جونىندە ناقتى مىندەتتەر قويدى. وسى ماقساتتا اگروونەركاسىپ كەشەنىنىڭ ءاربىر باعىتى بويىنشا شارالار قاراستىرىلعان جول كارتاسى ازىرلەندى.
ماسەلەن, ەلىمىزدە ەگىس القاپتارىن ءارتاراپتاندىرۋ جانداندىرىلادى, بۇل ىلعالدى كوپ قاجەت ەتەتىن داقىلداردىڭ ۇلەسىن ازايتادى جانە جوعارى رەنتابەلدى وسىمدىكتەر, مىسالى, مايلى داقىلدار ءوندىرىسىنىڭ كولەمىن ارتتىرادى. سونىمەن قاتار سۋ ۇنەمدەۋ تەحنولوگيالارىن ەنگىزۋ, تىڭايتقىشتاردى قولدانۋ دەڭگەيىن ارتتىرۋ جانە اۋىل شارۋاشىلىعى تەحنيكاسىن قارقىندى جاڭارتۋ جوسپارلانعان.
سونداي-اق جول كارتاسىنا ءىرى جانە ۇساق مال باسىن كوبەيتۋگە, ەت پەن استىق وڭدەۋدى ارتتىرۋعا, تاۋارلى-ءسۇت فەرمالارى جانە باسقا دا نىسانداردى ىسكە قوسۋعا باعىتتالعان شارالار دا ەنگىزىلگەن. جول كارتاسىن جۇزەگە اسىرۋ اگروونەركاسىپ كەشەنىنىڭ جالپى ءونىمىن 2028 جىلعا قاراي 2 ەسەگە ارتتىرىپ, 17 ترلن تەڭگەگە دەيىن جەتكىزۋگە مۇمكىندىك بەرەدى.
نەگىزگى تۇيتكىلدى ماسەلەلەر جانە اگروونەركاسىپ كەشەنىن دامىتۋ بويىنشا ۇسىنىلىپ وتىرعان شارالار تۋرالى اۋىل شارۋاشىلىعى ءمينيسترى ايداربەك ساپاروۆ بايانداما جاسادى. سۋ رەسۋرستارى جانە يرريگاتسيا ۆيتسە-ءمينيسترى ەربولات يبرايحانوۆ ۆەگەتاتسيالىق كەزەڭدە وڭتۇستىك وڭىرلەردى سۋمەن قامتاماسىز ەتۋ جوسپارلارى تۋرالى ايتتى. اۋىل شارۋاشىلىعىن دامىتۋدىڭ جاڭا شارالارىن تالقىلاۋعا الماتى, باتىس قازاقستان, قوستاناي, قىزىلوردا, ماڭعىستاۋ, پاۆلودار, جامبىل جانە باسقا وبلىستاردىڭ اكىمدەرى قاتىستى.
پرەمەر-مينيستر العا قويىلعان مىندەتتەرگە قول جەتكىزۋ ءۇشىن اۋىل شارۋاشىلىعى جانە سۋ رەسۋرستارى مينيسترلىكتەرى وڭىرلەردىڭ اكىمدىكتەرىمەن بىرلەسىپ, جۇمىس ىستەۋ تاسىلدەرىن قايتا قاراۋ قاجەت ەكەنىن باسا ايتتى.
ء«اربىر ءوڭىر ءۇشىن ءوسۋدىڭ قولدا بار رەزەرۆتەرى مەن دامۋ الەۋەتىن ەسكەرە وتىرىپ, كورسەتكىشتەر ايقىندالدى. مونو جانە ىلعالدى كوپ قاجەت ەتەتىن داقىلداردى ازايتۋ ارقىلى سۇرانىسقا يە داقىلداردىڭ القاپتارىن كەڭەيتىپ, مينەرالدى تىڭايتقىشتار قولدانۋ دەڭگەيىن ارتتىرۋ قاجەت», دەدى ءا.سمايىلوۆ.
ۇكىمەت باسشىسىنىڭ ايتۋىنشا, اۋىل شارۋاشىلىعى داقىلدارىنىڭ ەليتالىق تۇقىمدارى ۇلەسىن, ماشينا-تراكتور پاركىن جاڭارتۋ دەڭگەيىن جانە سۋ ۇنەمدەۋ تەحنولوگيالارى ەنگىزىلگەن الاڭداردى ارتتىرۋ قاجەت.
«اكىمدىكتەر مەن مينيسترلىكتەر تاراپىنان اتالعان كورسەتكىشتەرگە قول جەتكىزۋگە تۇراقتى باقىلاۋ ورناتۋ قاجەت. بۇگىندە ءبىز جۇمىسىمىزدا جاڭا تاسىلدەر قابىلداپ جاتىرمىز. وبلىس اكىمدىكتەرى جول كارتاسىندا كوزدەلگەن ءوز كورسەتكىشتەرىنىڭ ورىندالۋىن قامتاماسىز ەتۋى كەرەك. بۇل ءۇشىن جەكە جاۋاپكەرشىلىك ارتىلادى», دەدى پرەمەر-مينيستر.
ءا.سمايىلوۆ جول كارتاسىنىڭ ورىندالۋىنا اي سايىن مونيتورينگ جۇرگىزۋدى جانە اتالعان ماسەلەنى توقسان سايىن ۇكىمەت وتىرىسىنا شىعارۋدى تالاپ ەتتى.
