فوتو: @Dubai Racing Club
تۇلپاردىڭ يەسى تىلەك مۇقانبەتقاليەۆ ءبىرشاما تىڭ دەرەكپەن ءبولىستى. ونىڭ ايتۋىنشا, كابيرحاننىڭ تۇرقىن كورگەن ات سىنشىلارى ونى 100 جىلدا ءبىر تۋاتىن تۇلپار دەپ باعالاعان. توعىز رەت بايگەگە شاۋىپ, سونىڭ سەگىزىندە ءبىرىنشى, تەك بىرەۋىنەن ەكىنشى كەلگەن كابيرحانعا ات ۇستاۋشىلاردىڭ نازارى بىردەن اۋعان.
«كابيرحاندى سات دەگەندەر كوپ بولدى. رەسەيدەن دە سۇرادى. بىراق كەلىسپەدىك. قانشا ۇسىنعاندارى قۇپيا بولىپ قالسىن. ەڭ كوبى 1 ميلليون دوللار بەردى, ساتپادىم», دەيدى اتتىڭ يەسى.
سونداي-اق ول جارىستارعا قاتىسقان سايىن كابيرحاننىڭ رەيتينگى ءوسىپ جاتقانىن جەتكىزدى. ء«بىراز جۇلدە ۇتتى. ءوز-ءوزىن اقتاپ قويعان. رەسەيدە 5,5 ميلليون رۋبل ۇتتى, تەڭگەگە شاقساق, 27 ميلليون تەڭگە. ال دۋبايدا 126 مىڭ ديرحەم جەڭدى. ەندى ونى باعاممەن ەسەپتەسەك, 35 مىڭ اقش دوللارى», دەدى تىلەك مۇقانبەتقاليەۆ.
