فوتو: سامار اۋدانى اكىمدىگىنەن
اكىمدىكتىڭ مالىمەتىنشە, ەدىلحان سارباسوۆ ەسىمدى ازاماتتىڭ قوراسىنا تۇسكەن بەلگىسىز اڭ 15 قويدى قىرىپ, تاعى 10 قويدى جارالاپ كەتكەن. اۋىل تۇرعىندارىنىڭ سوزىنشە, بۇل قاڭعىباس يتتەردىڭ ءىسى بولۋى مۇمكىن ەمەس, يتتەر ادەتتە ءولى مالعا اۋىز سالادى.
اتالعان ەلدى مەكەنگە اۋدان باسشىسى نۇرلان ماحامبەتوۆ, اۋىلدىق وكرۋگ اكىمى جانە جەرگىلىكتى پوليتسيا ءبولىمىنىڭ قىزمەتكەرلەرى باردى. ولاردىڭ ايتۋلارىنشا, جىرتقىش قورا ەسىگىنىڭ ءتۇبىن قازىپ كىرگەن.
«سىلەۋسىن شىعار دەگەن ويدامىز. قاسقىر بولسا قويلاردى جارىپ كەتەر ەدى, ال بۇل تەك قانىن ىشكەن. جارالى 10 قوي دا باۋىزدالدى», دەدى اكىمدىك وكىلدەرى.
انىقتالعانداي, بارلىعى اۋىلداعى مال ولەكسەسىن كومۋگە ارنالعان ورىنعا كومىلمەك, ويتكەنى اڭنىڭ سىلەكەيىندە قاۋىپتى اۋرۋلار بولۋى مۇمكىن.
