ءسابي سۇيگىزەتىن باعدارلاما

ماسەلەن, اتىراۋ وبلىسىندا كەيىنگى ءۇش جىلدا «اڭساعان ءسابي» باعدار­لاما­سى­­مەن بالالى بولعىسى كەلەتىن وتباسى­لار ءۇشىن 679 كۆوتا ءبولىنىپتى. ەندى بيىل ءسابي ءسۇيۋدى اڭساعاندارعا 232 كۆوتا قارالىپ وتىر.

«ەكومەد-اتىراۋ» جشس كلينيكاسى­نىڭ گينەكولوگ-دا­ر­ىگەرى, رەپرودۋكتولوگ قۇن­دىز داۋلەتياروۆانىڭ ايتۋىن­شا, «اڭساعان ءسابي» باعدارلا­ما­سىنىڭ باس­تى ماقساتى – قوسالقى رەپرودۋكتيۆتى تەح­نو­لوگيانىڭ كومەگىمەن وتباسىلىق-دە­مو­گرا­فيالىق ماسەلەلەردى وڭ شەشۋگە جار­دەمدەسۋ. باسقاشا ايتقاندا, بالا سۇي­گىزەتىن باعدارلامانىڭ ارتىقشىلىعى كوپ.

«ەلىمىزدە 2021 جىلدان بەرى بەدەۋلىككە قارسى «اڭساعان ءسابي» باعدارلاماسى ىسكە اسىرىلا باستادى. قازاقستاندا بۇل پروتسەدۋرا قولعا الىنعالى بەرى بالا سۇيگەن باقىتتى وتباسىلاردىڭ قاتارى كوبەيدى. بۇل باعدارلاماعا 18-42 جاسقا دەيىنگى ايەلدەر قاتىسا الادى. باعدارلاماعا قاتىسۋشى ءوزىنىڭ كەلىسىمىمەن ارنايى كونسۋلتاتسيادان, مەدي­تسينالىق تەكسەرۋدەن وتەدى. مۇنىڭ ءبارى مىندەتتى ءىس-شارا», دەيدى ق.داۋلەتياروۆا.

ونىڭ دەرەگىنە سۇيەنسەك, اتىراۋ وبلىسىنا 2021 جىلى – 233, 2022 جىلى 213 كۆوتا بولىنگەن. ال وتكەن جىلى اتى­راۋ­لىق انالارعا 233 كۆوتا ۇسىنىلعان. بىراق كۆوتانىڭ 20-سى سۇرانىستىڭ كوپتىگىنە بايلانىس­تى الماتى وبلىسىنا بەرىلگەن.

«بىلتىر اتىراۋ وبلىسىندا 213 كۆوتا يگەرىلدى. باعدارلاماعا قاتىسقان 59 ايەل دارىگەرلەردىڭ كومەگىمەن بالا كوتەردى. الايدا 9 انا تۇسىك تاستادى. قا­زىر 47 انا ءسابي كۇتىپ وتىر. ءۇش انا ومىر­گە نارەستە اكەلدى. وزگە انالار ءتيىستى ءىس-شا­را­لاردى قابىلداپ ءجۇر», دەدى ق.داۋلە­تياروۆا.

اتىراۋ وبلىسى