قۇرىلىس جۇمىسىن جۇرگىزىپ جاتقان مەردىگەرمەن 2 ملرد تەڭگەدەن اساتىن قارجىعا كەلىسىمشارت جاسالعان. ەڭ وكىنىشتىسى, عيماراتتىڭ ىرگەتاسىن سالۋ كەزىندە قولدانىستاعى مەملەكەتتىك ستاندارتتىڭ بۇزىلۋ جايلارى انىقتالىپ وتىر. قۇرىلىس جۇمىسىن جۇرگىزىپ جاتقان «ريگوليت» سەرىكتەستىگىنە قاتىستى ورىن العان ولقىلىقتار اتاپ كورسەتىلىپ, حاتتاما تولتىرىلدى. كەمشىلىكتى جويۋ تۋرالى ۇيعارىم شىعارىلدى. تسەلينوگراد اۋداندىق سوتىنىڭ قاۋلىسىمەن سەرىكتەستىككە نەگىزگى جوبادان اۋىتقىعانى ءۇشىن ليتسەنزياسىنان ايىرۋسىز 1 932 000 تەڭگە مولشەرىندە ايىپپۇل سالىندى.
وسىلايشا, وڭىردەگى قۇرىلىس جۇمىستارىنىڭ بارىسى قاتاڭ قاداعالانىپ جاتىر. ساقالدى قۇرىلىستارعا باعىتتالاتىن قارجى كولەمى جىل سايىن وزگەرىسكە ۇشىراپ, قۇرىلىس ماتەريالدارى قىمباتتاپ كەتتى دەگەن جەلەۋمەن تۇزەتۋلەر ەنگىزىلەدى. بۇل دەگەنىڭىز – بيۋدجەت ءۇشىن اۋىر سالماق. ەندىگى ارادا جاۋاپكەرشىلىك كۇشەيتىلىپ, قازىنانىڭ ءار تيىنى ءتيىمدى جۇمسالۋى قاتاڭ قاداعالاناتىن بولسا, بۇرىنعى جايباسارلىقتان ارىلار ەدىك.
اقمولا وبلىسى,
تسەلينوگراد اۋدانى
