وبلىستىق دەنساۋلىق ساقتاۋ باسقارماسى ءباسپاسوز قىزمەتىنىڭ مالىمەتىنشە, بالالارى ەمدەلەتىن اتا-انالار تاراپىنان كوپتەگەن ۇسىنىس ءتۇسىپ ءجۇر. سونىڭ ءبىرى – ناۋقاس بالالاردى سەرگىتۋ ءۇشىن ويىن الاڭىن اشۋ. وسىعان بايلانىستى وبلىستىق بالالار اۋرۋحاناسىنىڭ تراۆماتولوگيا, پەدياتريا, حيرۋرگيا, نەۆرولوگيا, رەابيليتاتسيا جانە وتورينولارينگولوگيا بولىمشەلەرىندە ويىن الاڭى جابدىقتالدى.
اۋرۋحاناداعى ويىن الاڭدارىن اشۋعا «بەرتلينگ كازاح لودجيستيك» كومپانياسى دەمەۋشىلىك كومەك كورسەتتى. دەمەۋشى كومپانيانىڭ باس ديرەكتورى ءاليا جاقسىلىقوۆانىڭ ايتۋىنشا, ويىن الاڭدارىن جابدىقتاۋ جۇمىسى بىلتىر قازان ايىندا باستالعان.
«بۇل – ءبىزدىڭ قايىرىمدىلىق ءىس-شارامىز. اۋرۋحانادا ەمدەلەتىن بالالاردىڭ ويلاۋ قابىلەتىن دامىتۋعا ۇلەس قوسقىمىز كەلدى. سول ماقساتپەن ويىن الاڭدارىنا كۇردەلى جوندەۋ جۇرگىزىلىپ, بالالاردىڭ اقىل-ويىن جەتىلدىرۋگە قاجەتتى قۇرال-جابدىقتارمەن قامتاماسىز ەتىلدى. بۇل ءۇشىن 4 ملن تەڭگەگە جۋىق قارجى جۇمسالدى», دەيدى ءاليا جاقسىلىقوۆا.
اتىراۋ وبلىسى
