«قازترانسگازايماق» اق وبلىستىق فيليالىنىڭ وكىلدەرى «قوستاناي اۋدانىندا گاز تاراتۋ ستانتسياسى سالىنىپ جاتىر. سول توراپتىڭ قۇرىلىسى اياقتالعان سوڭ, ۋاقىتشا شەكتەۋ دە ءبىرجولا الىنىپ تاستالۋى مۇمكىن. ول جەرگىلىكتى اكىمدىككە بايلانىستى», دەگەن.
كوپشىلىك زارىعىپ كۇتكەن توراپ تاياۋدا عانا ىسكە قوسىلدى. قۇنى – 3,3 ملرد تەڭگە, جۇمىسى تولىق اۆتوماتتاندىرىلعان, ساعاتىنا 150 مىڭ تەكشە مەتر گاز وتكىزە الاتىن مۇنداي قۋاتتى ستانسانىڭ وڭىردە ءبىرىنشى رەت سالىنىپ وتىرعانىن دا ايتا كەتكەن ءجون. اگتس-ءتىڭ جۇمىسىمەن تانىسۋعا بارعان وبلىس اكىمى قۇمار اقساقالوۆ جاڭا توراپ كەلەشەكتە توبىل قالاسىندا سالىناتىن «استانا» مەن «بايتەرەك» شاعىن اۋداندارىنا عانا گاز تاراتاتىنىن ايتتى. اتالعان شاعىن اۋدانداردا كوپقاباتتى 150 تۇرعىن ءۇي تۇرعىزۋ جوسپارلانعان. وعان كەلەشەكتە شامامەن 60 مىڭداي ادام قونىستانباق. «بيىل العاشقى 24 ءۇيدىڭ قۇرىلىسىن باستاۋ جوسپارلانىپ وتىر. سونداي-اق بىرتىندەپ جاڭا مەكتەپتەر, بالاباقشالار, پەرزەنتحانا جانە باسقا دا الەۋمەتتىك نىساندار سالىنا باستايدى. جاڭا گاز تاراتۋ تورابى اتالعان شاعىن اۋدانداردى گازبەن قامتاماسىز ەتۋگە تولىق مۇمكىندىك بەرەدى. كەلەشەكتە وڭىرگە كوگىلدىر وتىن كوبىرەك ءبولىنىپ, وسى ەكى شاعىن اۋداننان ارتىلىپ جاتسا, ءبىز قوستاناي, التىنسارين اۋداندارىنا دا تابيعي گاز بەرە الامىز», دەدى اكىم.
قوستاناي اۋدانىنىڭ اكىمى بەرىك تاڭجارىقوۆتىڭ ايتۋىنشا, جوسپارلانعان شاعىن اۋدانداردا ءالى ءۇي سالىنباعاندىقتان, قازىر اتالعان ستانسانى ىسكە قوسۋدىڭ ءمانى جوق.
ء«بىز بۇل جولى ستانسانىڭ جۇمىسىن تەكسەرىپ كورۋ ءۇشىن ارنايى قوسىپ كوردىك. ويتكەنى بۇعان دەيىن توراپتىڭ گاز قۇبىرىن اشىپ-جاباتىن بولىگىندە اقاۋ بولعان. ول اقاۋ جويىلدى. قازىر ستانسا جاقسى جۇمىس ىستەپ تۇر. بىراق گاز جەتكىزەتىن قۇبىرلاردىڭ كومەيى جابىق. ونى جاڭا شاعىن اۋداندارداعى تۇرعىن ۇيلەر سالىنىپ بولعان سوڭ اشامىز», دەدى اۋدان اكىمى.
جاڭا ىسكە قوسىلعان اۆتوماتتى توراپ, وكىنىشكە قاراي, گازسىز وتىرعان قوستاناي قالاسى تۇرعىندارىنىڭ ماسەلەسىن شەشىپ بەرە المايتىن بولدى.
«150 مىڭ تەكشە مەتر گاز 2021 جىلعا دەيىن ءبولىنىپ قويعان. ونىڭ ۇستىنە, وسىدان 60 جىل بۇرىن سالىنعان قۇبىرلار ابدەن توزىپ بىتكەن. تولىق كولەمدە گاز تاراتۋ ءۇشىن گاز قۇبىرلارىن جاڭارتۋ كەرەك. ەكى جىلدان بەرى وسى باعىتتا جۇمىس جۇرگىزىپ جاتىرمىز. ونىڭ ۇستىنە, ءبىز اقتوبەدەن قوستانايعا دەيىن جاڭا گاز قۇبىرىن سالۋدى جوسپارلاپ وتىرمىز. باستى مىندەت – وبلىسقا مول گاز قورىن جەتكىزۋ جانە جاڭا كاسىپورىندار سالۋ. قازىر جوبالىق-سمەتالىق قۇجاتتاردى ازىرلەۋ, قارجى كوزدەرىن قاراستىرۋ جۇمىستارى جۇرگىزىلىپ جاتىر. سوندىقتان موراتوري, قازىرشە ءوز كۇشىندە تۇرادى. ونى جويۋ الداعى ۋاقىتتىڭ ەنشىسىندە. كەلەشەكتەن ءۇمىت كۇتەمىز», دەدى ق.اقساقالوۆ.
بىلتىر اقپان ايىندا وڭىرگە جۇمىس ساپارىمەن كەلگەن ەنەرگەتيكا ۆيتسە-ءمينيسترى جاندوس نۇرماعانبەتوۆ وبلىستاعى گاز تاپشىلىعى ماسەلەسىن كوتەرىپ, ءوڭىردى گازداندىرۋ دەڭگەيى 58,3 پايىزعا جەتكەنىن, وبلىستىڭ 485 مىڭ تۇرعىنى تابيعي گاز تۇتىنىپ وتىرعانىن ايتقان. وبلىس تۇرعىندارىمەن كەزدەسكەن ۆيتسە-مينيستر كوپشىلىككە گاز سالاسىن دامىتۋدىڭ 2026 جىلعا دەيىنگى كەشەندى جوسپارى قابىلدانعانىن, ول گازدىڭ رەسۋرستىق بازاسىن ۇلعايتۋ, گازعا باعا بەلگىلەۋدى رەفورمالاۋ جانە ازاماتتاردىڭ الەۋمەتتىك وسال ساناتتارى ءۇشىن گاز باعاسىن تەجەۋ جونىندەگى شارالاردى كوزدەيتىنىن ايتقان.
«قازترانسگازايماق» اق وبلىستىق فيليالىنىڭ مالىمەتىنشە, 2021 جىلدان بەرى قارايعى ۋاقىت ىشىندە وڭىردە شامامەن 10 مىڭداي تۇرعىن گاز قۇبىرىنا قوسىلۋ تۋرالى ءوتىنىش بەرگەن. بىراق ول وتىنىشتەردى قاناعاتتاندىرۋعا موراتوري مۇمكىندىك بەرمەي تۇر.
قوستاناي وبلىسى
