ينفوگرافيكانى جاساعان – زاۋرەش سماعۇل, «EQ»
نە دەسەك تە, وعاش ەسىمى, تەگى ادامنىڭ كوڭىلىنەن شىقپايتىن جاعدايلار كەزدەسەدى. مۇنداي جاعدايدا قايدا بارۋعا بولادى دەسەك, وسىنىڭ جاي-جاپسارىن الماتى قالاسى ادىلەت دەپارتامەنتىنىڭ وكىلدەرى وڭىرلىك كوممۋنيكاتسيالار قىزمەتىنىڭ بريفينگىندە ءتۇسىندىردى.
الماتى قالالىق ادىلەت دەپارتامەنتى باسشىسىنىڭ ورىنباسارى زاۋرەش ءساتحوجينا «نەكە (ەرلى-زايىپتىلىق) جانە وتباسى تۋرالى» قازاقستان رەسپۋبليكاسىنىڭ كودەكسىنە وزگەرىستەر مەن تولىقتىرۋلار ەنگىزۋگە بايلانىستى مۇنداي وزگەرىستەر تۋ, نەكەگە تۇرۋ نەمەسە نەكەنى بۇزۋ تۋرالى جازبالارداعى اتىن, اكەسىنىڭ اتىن, تەگىن وزگەرتۋ تۋرالى قورىتىندى نەگىزىندە جاسالىناتىنىن اتادى.
ەندىگى جەردە بۇرىنعىداي اتى-ءجونىن وزگەرتۋ تۋرالى اكت جازباسى تىركەلمەيدى جانە اتىن, اكەسىنىڭ اتىن, تەگىن وزگەرتۋ تۋرالى كۋالىك بەرىلمەيدى. قۇجاتتاردى تىركەۋشى ورگاندار اتىن, اكەسىنىڭ اتىن, تەگىن اۋىستىرعانىن راستاۋ ءۇشىن تۋ, نەكەنى قيۋ جانە بۇزۋ تۋرالى ءتيىستى كۋالىك بەرەدى. اتىن, اكەسىنىڭ اتىن, تەگىن اۋىستىرۋ تۋرالى ءوتىنىشتى نەكە-وتباسى زاڭناماسىنا سايكەس, قازاقستاننىڭ شەتەلدەردەگى مەكەمەسى جانە تىركەۋشى ورگاندار قارايدى. ءوتىنىشتى 16 جاستان اسقان ازاماتتار بەرە الادى, كامەلەتكە تولماعاندار ءۇشىن اتا-اناسىنىڭ قاتىسۋى تالاپ ەتىلەدى.
تىركەۋشى ورگاندار ازاماتتاردىڭ ەسىمىن, اكەسىنىڭ اتىن, تەگىن اۋىستىرۋدى ون التى جاسقا تولعان, اتىن جانە اكەسىنىڭ اتىن نەمەسە تەگىن اۋىستىرعىسى كەلەتىن ادامنىڭ جەكە ءوتىنىشى بويىنشا جۇرگىزەدى. اتىن, اكەسىنىڭ اتىن, تەگىن وزگەرتۋ نە تۇزەتۋ ءۇشىن قازاقستان اۋماعىنداعى كەز كەلگەن تىركەۋشى ورگانعا (احات) وتىنىشپەن جۇگىنۋ قاجەت, سونداي-اق «ازاماتتارعا ارنالعان ۇكىمەت» مەملەكەتتىك كورپوراتسياسى كەاق-عا ءوتىنىشتى «ەلەكتروندىق ۇكىمەت» پورتالى ارقىلى ەلەكتروندىق نىساندا جىبەرۋگە بولادى.
ازاماتتارىمىز ەسىمى, اكەسىنىڭ اتى, تەگى وزگەرگەننەن كەيىن ءبىر اي ىشىندە جەكە كۋالىك پەن پاسپورتتى وزگەرتۋى قاجەت. قىسقاسى, ادام تەگىن, اتىن, اكەسىنىڭ اتىن وزگەرتۋ ءۇشىن ولاردىڭ ءوز قالاۋى جەتكىلىكسىز. بۇعان قوسا قۇجاتتارىندا جوعارىدا اتالعان دالەلدى سەبەپتەردىڭ بىرەۋىنىڭ بولۋى شارت.
الماتى
