فوتو: حابار 24
«تالاپكەرلەر ءوتىنىش بەرۋ بارىسىندا ولار تەستىلەۋ كۇنىن, ۋاقىتىن جانە ورنىن وزدەرى تاڭدادى. سوڭعى بىرنەشە جىلدا العاش رەت تالاپكەرلەر ەڭ كوپ تاڭدايتىن بەيىندىك پاندەر كومبيناتسياسى وزگەردى. تالاپكەرلەردىڭ 18%-ى «بيولوگيا-حيميا», 17%-ى «ماتەماتيكا-فيزيكا», 12%-ى «ماتەماتيكا-ينفورماتيكا» پاندەرىن تاڭدادى.
ۇبت-داعى پاندەردىڭ سانى وزگەرىسسىز قالادى, ياعني ۇشەۋى مىندەتتى جانە ەكەۋى تاڭداۋ بويىنشا. الايدا, «وقۋ ساۋاتتىلىعى» مەن «ماتەماتيكالىق ساۋاتتىلىق» مىندەتتى پاندەرىنەن تاپسىرمالار سانى 5 سۇراققا قىسقارادى. ال بەيىندىك پاندەردىڭ سۇراقتار سانى ارتىپ, 40 تەست تاپسىرماسىنان تۇراتىن بولادى. اتاپ وتسەك, بەيىندىك پاندەردە بەرىلگەن تىزىمنەن سايكەستىكتى انىقتاۋعا ارنالعان 5 تاپسىرما قوسىلدى. وسىلايشا, ۇبت تاپسىرمالار سانى وزگەرىسسىز قالادى, جالپى 120 سۇراق. ونىڭ ىشىندە «قازاقستان تاريحىنان» 20 تاپسىرما, «وقۋ ساۋاتتىلىعىنان» 10 تاپسىرما, «ماتەماتيكالىق ساۋاتتىلىقتان» 10 تاپسىرما جانە ەكى بەيىندىك ءپان بويىنشا 40 تاپسىرما. جوعارى بالل – 140, ول دا وزگەرىسسىز قالدى. تەستىلەۋ ۋاقىتى – 4 ساعات (240 مينۋت). بۇل رەتتە ەرەكشە ءبىلىم بەرۋ قاجەتتىلىكتەرى بار بالالار ءۇشىن ۇسىنىلاتىن قوسىمشا 40 مينۋت ۋاقىت ساقتالاتىنىن ايتا كەتۋ كەرەك. تەست تاپسىرۋشىلار تەستىلەۋ اياقتالعاننان كەيىن 30 مينۋت ىشىندە اپەللياتسياعا ءوتىنىش بەرە الادى. سەرتيفيكات اپپەلياتسيالىق كوميسسيانىڭ شەشىمىنەن كەيىن تالاپكەردىڭ جەكە كابينەتىندە قولجەتىمدى» ەكەنى جازىلعان اقپاراتتا.
قاڭتارداعى ۇبت-عا شارتتى تۇردە اقىلى نەگىزدە كۇندىزگى وقۋ نىسانى بويىنشا جوعارى وقۋ ورىندارىنا قابىلدانعان, جازعى ۇبت ناتيجەلەرى بويىنشا شەكتى بالل جيناماعاندار, شىعارماشىلىق ببت-دان باسقا دايىندىق باعىتتارىنا, پەداگوگيكالىق باعىتقا اقىلى نەگىزدە اۋىسقىسى كەلەتىندەر, سونداي-اق مەكتەپ بىتىرەتىن تۇلەكتەر جوعارى وقۋ ورىندارىنا اقىلى نەگىزدە ءتۇسۋ ءۇشىن قاتىسادى.
