فوتو: polisia.kz
ولار ەسىرتكى ساتۋشىنى ءوز ۇيىنەن ۇستادى. الايدا كۇدىكتى پوليتسەيلەردى كورگەن كەزدە الدىڭعى ەسىكتى اشپاي, بالكون ارقىلى 10-عا جۋىق سىرىڭكە قوراپشاسىن, دوزا بويىنشا ورالعان ەسىرتكىنى لاقتىرىپ, «تاۋاردان» قۇتىلۋعا تىرىسقان.
ۇستاۋ جانە ءتىنتۋ كەزىندە پوليتسەيلەر توڭازىتقىشتا تاعى 83 «بۇرشىك» دەپ اتالاتىن ەسىرتكى زاتىن تاپتى. ساراپتاما ارقىلى تابىلعان زات سالماعى 500 گرامم بولاتىن ماريحۋانا ەكەنى انىقتالدى. سونداي-اق ءتىنتۋ كەزىندە جەدەل ۋاكىلدەر ەسىرتكى قۇرالدارىن قولدانۋعا ارنالعان ءتۇرلى قۇرىلعىلاردى جانە ولاردى دوزا بويىنشا ولشەۋگە جانە ولشەپ-وراۋعا ارنالعان زاتتاردى تاركىلەدى. كۇدىكتى قاماۋعا الىندى.
