فوتو: قر وقۋ-اعارتۋ مينيسترلىگى
دوڭگەلەك ۇستەلگە قاتىسۋشىلار بالالار ادەبيەتىن دامىتۋدىڭ وزەكتى ماسەلەلەرىن تالقىلاپ, قازاق تىلىندەگى كونتەنتتىڭ ساپاسىن ارتتىرۋ جانە ونى وڭىرلىك ءبىلىم باسقارمالارىمەن, كىتاپحانالارمەن, اتا-انالار ۇيىمدارىمەن, سونداي-اق ءىرى ەڭبەك ۇجىمدارىمەن بىرلەسە جۇمىس ىستەۋ جولدارىن قاراستىردى.
وقۋ-اعارتۋ ءمينيسترى مەكتەپتەردە بالالار باسىلىمدارىن ىلگەرىلەتۋ بويىنشا كەشەندى باعدارلاما ازىرلەنەتىنىن العا تارتتى.
«مەملەكەت باسشىسىنىڭ تاپسىرماسى بويىنشا «بالالار كىتاپحاناسىنىڭ» جاڭا مودەلى قۇرىلىپ جاتىر. بيىلعى وقۋ جىلىندا بەلسەندى وقىرمانداردى 100 كوركەم, عىلىمي-تانىمدىق كىتاپ وقۋعا ىنتالاندىرۋ, ەلەكتروندى كىتاپحانالار مەن ونلاين-رەسۋرستار قۇرۋ, گازەتتەر مەن جۋرنالداردى وقۋ مادەنيەتىن ارتتىرۋ بويىنشا ءىس-شارالار باستالدى. بۇل باعىتتاعى جۇمىس ء«بىرتۇتاس تاربيە باعدارلاماسى» اياسىندا دا جۇرگىزىلىپ جاتىر. قازىر ءبىز مەكتەپ كىتاپحاناشىلارىنىڭ مارتەبەسى مەن جالاقىسىن كوتەرۋ ماسەلەسىن قاراستىرىپ جاتىرمىز», دەپ اتاپ ءوتتى عاني بەيسەمباەۆ.
وقۋ-اعارتۋ ءمينيسترى بالالارعا ارنالعان باسىلىم ۇجىمدارىنىڭ جۇمىسىن جوعارى باعالاپ, العىس حاتتارمەن ماراپاتتادى. ولاردىڭ قاتارىندا «ۇلان», «درۋجنىە رەبياتا», «قازاقستان ءداۋىرى» گازەتتەرى, سونداي-اق «اق جەلكەن», «بالدىرعان», «اقىلدىم», «جەتى الەم», ء«مولدىر بۇلاق», «ايگولەك» جانە باسقا دا جۋرنالدار بولدى.
كەزدەسۋ قورىتىندىسى بويىنشا بالالار مەن جاستارعا ارنالعان تۋىندى شىعاراتىن شىعارماشىلىق زيالى قاۋىمدى, كرەاتيۆتى يندۋستريا شەڭبەرىندە بالالار باسىلىمدارىنىڭ جوبالارىن قولداۋ جونىندەگى شارالار كەشەنىن ۇيىمداستىرۋ, ء«بىرتۇتاس تاربيە باعدارلاماسى» شەڭبەرىندە جەكە تاقىرىپتىق سەكتسيا وتكىزۋ تۋرالى شەشىم قابىلداندى.
