فوتو: smi2.ru
قاڭتاردىڭ 6-سىنان 7-سىنە قاراعان ءتۇنى رۋدنىيلىق ەكى تۇرعىن تاكسيمەن وبلىس ورتالىعىنا بەت العان. كولىك قالا ىشىنە كىرگەندە جولاۋشىلار جۇرگىزۋشىنىڭ كەڭىردەگىنە پىشاق تاقاپ, اقشا بوپسالاي باستاعان.
الايدا جۇرگىزۋشى ابدىراپ قالماي, قالا كوشەلەرىندە كەلە جاتقان پوليتسيا ماشيناسىن كوزى شالىپ, ادەيى قىزمەتتىك كولىككە سوقتىعىسادى. ول بۇل ىسكە ءوزىن قۇتقارۋ ءۇشىن ماقساتتى تۇردە بارعان.
جەلىدە جۇكتەلگەن ۆيدەودان جۇرگىزۋشى سوقتىعىسقاننان كەيىن ىلە-شالا سىرتقا قاشىپ شىققانىن كورۋگە بولادى. پوليتسيا وكىلدەرى دە كولىكتەن تەز ءتۇسىپ, بوپسالاۋشىلاردى سول ورىندا قولعا تۇسىرگەن.
ال قىزمەتتىك كولىككە ايتارلىقتاي زاقىم كەلمەگەن.
