فوتو: اشىق دەرەككوز
قازاقستاندا قازان ايىندا باستالىپ, مامىر ايىنا دەيىن سوزىلاتىن جرۆي-مەن سىرقاتتانۋدىڭ كەزەكتى ەپيدەميالىق ماۋسىمى ءجۇرىپ جاتىر.
«اعىمداعى ەپيدەميالىق ماۋسىمدا ءجىتى رەسپيراتورلىق ۆيرۋستىق ينفەكتسيانىڭ 2,4 ميلليون جاعدايى تىركەلدى. قاراشا ايىنان باستاپ تۇماۋ ۆيرۋسىنىڭ اينالىمى بەلگىلەندى. ەپيدەميا باستالعاننان بەرى زەرتحانالىق راستالعان تۇماۋدىڭ 935 جاعدايى تىركەلدى, ونىڭ 85%-ى ا تۇماۋى, 15%-ى ۆ تۇماۋى», دەدى مينيستر ۇكىمەت وتىرىسىندا.
وتكەن جىلى قاۋىپتى توپتاعى 2 ميلليون 400 مىڭ ادام تۇماۋعا قارسى ەگىلدى, بۇل ەل حالقىنىڭ 12 پايىزىن قۇرايدى.
وسى تۇستا ەپيدەميا ماۋسىمىنىڭ باسىنان بەرى ستاتسيونارلاردا 31 مىڭنان استام ناۋقاس ەمدەلگەنىن ايتا كەتۋ كەرەك. ەل بويىنشا بارلىعى 10 مىڭعا جۋىق جۇقپالى اۋرۋ توسەكتەرى ورنالاستىرىلدى, ونىڭ ىشىندە ءۇش مىڭعا جۋىق بالالار توسەكتەرى دە بار.
