فوتو: Senat
دەپۋتاتتار نۇرلان بەكنازاروۆ پەن ايگۇل قاپباروۆا «ا-2 اينالما جولىنىڭ» قۇرىلىس بارىسىمەن تانىستى. سەناتورلارعا كولىكتەردىڭ سانى ارتۋىنان كەپتەلىستەر كوبەيگەندىگى حابارلاندى. ماگيسترالدىق جانە ترانزيتتىك اينالما جولداردىڭ قۇرىلىسىن تولىق اياقتاۋ ءۇشىن 2024 جىلعا ارنالعان رەسپۋبليكالىق بيۋدجەتتەن 10,2 ملرد تەڭگە ءبولۋ قاجەت. دەپۋتاتتار ءوز كەزەگىندە بيۋدجەتتى ناقتىلاۋ بارىسىندا اتالعان ماسەلە ءتيىستى مەكەمەلەرمەن بىرلەسىپ پىسىقتالاتىنىن اتاپ ءوتتى.
سەناتورلارعا سونىمەن قاتار, جاڭادان پايدالانۋعا بەرىلگەن, جەرگىلىكتى اتقارۋشى ورگاننىڭ بيۋدجەتىنەن سالىنعان ءۇش قاباتتى ءورت ءسوندىرۋ دەپوسى كورسەتىلدى. قۇتقارۋشىلارعا بارلىق جاعداي جاسالىنعان عيمارات ىشىندە وقۋ سىنىبى, دەمالىس بولمەسى, جاتىن بولمە, ءاسۇي, سپورت الاڭى, كونفەرەنتس-زال, تەحنيكالىق ءۇي-جاي, جەكە قۇرامنىڭ كاسىبي دايارلىعىن ارتتىرۋعا ارنالعان وقۋ-جاتتىعۋ مۇناراسى بار.
كەزدەسۋ بارىسىندا «تۇرعىن ءۇي قاتىناستارى تۋرالى» زاڭعا قىزمەتتىك تۇرعىن ءۇي بەرۋ نەمەسە تجم قۇرامىنداعى ازاماتتىق قورعاۋ ورگاندارىنىڭ قىزمەتكەرلەرىنە تۇرعىن ءۇي تولەمدەرىن اۋدارۋ بولىگىندە تۇزەتۋلەر ەنگىزۋدى قاراۋ تۋرالى ۇسىنىس ايتىلدى. مەملەكەت تاراپىنان مۇنداي الەۋمەتتىك قولداۋ وسى سالاداعى كادرلىق تۇراقتىلىققا جانە كورسەتىلەتىن قىزمەتتەردىڭ ساپاسىن ارتتىرۋعا وڭ اسەرىن تيگىزەتىنى اتاپ ءوتىلدى.
سەناتورلار مەملەكەت باسشىسىنىڭ «Egemen Qazaqstan» گازەتىنە بەرگەن سۇحباتىنىڭ نەگىزگى تۇجىرىمدارىن شىمكەنت قالالىق تجد قىزمەتكەرلەرىمەن بىرگە تالقىلادى.
