فوتو: اشىق دەرەككوز
الداعى دەمالىس كۇندەرى بەلسەندى اتلانتيكالىق تسيكلوننىڭ ناۋقانى مەن ونىمەن بايلانىستى اتموسفەرالىق فرونتالدى ۋچاسكەلەردىڭ اسەرىنەن قازاقستاننىڭ باسىم بولىگىندە قار جاۋادى, وڭتۇستىك وبلىستاردا جاڭبىر مەن قار تۇرىندەگى جاۋىن-شاشىن كۇتىلەدى.
6 قاڭتاردا ەلدىڭ سولتۇستىك-باتىسىندا قالىڭ قار جاۋادى, ال وڭتۇستىكتە جاڭبىر مەن قار تۇرىندەگى قاتتى جاۋىن-شاشىن كۇتىلەدى.
7-8 قاڭتاردا سولتۇستىك-باتىستا, سولتۇستىكتە جانە ورتالىقتا قالىڭ قار جاۋادى. رەسپۋبليكانىڭ سولتۇستىك جارتىسىندا قاتتى جاۋىن-شاشىنمەن بىرگە كوكتايعاق, بۇرقاسىن بولادى دەپ بولجانىپ وتىر.
بۇدان بولەك رەسپۋبليكا بويىنشا تۇمان ءتۇسىپ, جەل كۇشەيەدى.
سونداي-اق سينوپتيكتەر ەلىمىزدىڭ باتىسىندا, سولتۇستىك-باتىسىندا, سولتۇستىك جانە شىعىسىندا اۋا تەمپەراتۋراسى كۇرت تومەندەيتىنىن ەسكەرتتى. ماسەلەن, ەلدىڭ باتىسىندا جانە سولتۇستىك-باتىسىندا تۇندە اۋا تەمپەراتۋراسى -8-25°, سولتۇستىكتە -5-30°, ال شىعىستا -5-18°-قا دەيىن تومەندەيدى.
ال وڭتۇستىك وبلىستاردا تۇنگى نەگىزگى فوندىق تەمپەراتۋرا -5+7° شاماسىندا بولادى.
