ماۋلەن اشىمباەۆتىڭ ايتۋىنشا, سەناتتىڭ ماسليحاتتارمەن بىرلەسكەن جۇمىسىنداعى نەگىزگى باعىتىنىڭ بىرىنە پرەزيدەنت قاسىم-جومارت توقاەۆتىڭ باستاماسىمەن جۇزەگە اسىرىلىپ جاتقان رەفورمالاردى زاڭنامالىق قامتاماسىز ەتۋ جانە وڭىرلەردى دامىتۋعا جاردەمدەسۋ جاتادى.
سەنات توراعاسى مەملەكەت باسشىسىنىڭ «Egemen Qazaqstan» گازەتىنە بەرگەن سۇحباتىندا قامتىلعان مىندەتتەرگە نازار اۋداردى.
«پرەزيدەنتىمىز قاسىم-جومارت توقاەۆ سۇحباتىندا دەموكراتيالىق رەفورمالاردىڭ جۇيەلى عانا ەمەس, ەشقاشان كەرى قايتپايتىن تۇبەگەيلى سيپاتقا يە بولعانىن قاداپ ايتتى. جالپى, وتكەن جىلى ازاماتتارىمىزدىڭ كونستيتۋتسيالىق قۇقىعىنىڭ قورعالۋىنا كەپىل بولاتىن جوعارعى ورگان – كونستيتۋتسيالىق سوت جۇمىسىن باستادى. العاش رەت ازاماتتارىمىز اۋدان جانە وبلىستىق ماڭىزى بار قالا اكىمدەرىن تىكەلەي سايلادى. وسى جانە وزگە دە جەتىستىكتەر مەن باستامالار وسى جىلى دا جوعارى كورسەتكىشتەرگە قول جەتكىزۋىمىزگە بەرىك نەگىز بولادى دەپ سەنەمىز. قازىر ەلىمىزدىڭ الدىندا اۋقىمدى ماقساتتار تۇر. بۇل ماقساتتارعا بىرلەسىپ ارەكەت ەتكەندە عانا جەتەتىنىمىز ءسوزسىز», دەدى سەنات توراعاسى.
ونىڭ پىكىرىنشە, سەنات پەن ءماسليحاتتاردىڭ ءوزارا ءىس-قيمىلىنىڭ ماڭىزدى باعىتى – زاڭداردىڭ, ۇلتتىق باعدارلامالار مەن جوبالاردى وڭىرلەردە ىسكە اسىرۋ ساپاسىنا مونيتورينگ جۇرگىزۋ. وسى ورايدا جەرگىلىكتى جەردە پروبلەمالار انىقتالسا, قالالار مەن اۋىلداردىڭ ەرەكشەلىكتەرىن ەسكەرىلەدى.
«اتىراۋ وبلىسى شەتەل ينۆەستيتسياسىن تارتۋ بويىنشا كوش باستاپ تۇر. ونەركاسىپ ءونىمىنىڭ كولەمى ۇلعايىپ كەلەدى. ايماقتاعى شاعىن جانە ورتا كاسىپكەرلىك سۋبەكتىلەرى سانى ءوستى. دەگەنمەن, شەشىمىن كۇتكەن ماسەلەلەر جوق ەمەس. تۇرعىنداردى ەكولوگيا, ونىڭ ىشىندە اۋانىڭ لاستانۋى جانە سۋ ماسەلەسى الاڭداتاتىنىن بىلەمىز. ينجەنەرلىك جانە ەنەرگەتيكالىق ينفراقۇرىلىمدى جاڭعىرتۋ ماسەلەسى وزەكتى بولىپ وتىر. ءبىز ءوز تاراپىمىزدان وبلىستىڭ وزەكتى ماسەلەلەرىنىڭ شەشىلۋىنە ءتيىستى كومەكتى كورسەتەمىز», دەدى ماۋلەن اشىمباەۆ.
