بالاڭىز بۇل باعدارلامانىڭ قاتىسۋشىسى بولۋى ءۇشىن:
1. قازاقستان ازاماتى بولۋ كەرەك;
2. جسن بولۋى مىندەتتى;
3. 2024 جىلدىڭ 1 قاڭتارىندا جاسى 18-گە تولماعان بولۋى ءتيىس.
وسى ءۇش تالاپقا سايكەس كەلسە بالانىڭ ەسەپشوتىنا ۇلتتىق قوردان اقشا اۋدارىلىپ وتىرادى.
ەسكەرەتىنى اتا-انا بالانىڭ اتالعان بازادا بار-جوعىن تەكسەرۋى قاجەت.
ەگەر ءسىزدىڭ egov.kz-تەگى «جەكە كابينەتىڭىزدە» بالاڭىزدىڭ مالىمەتتەرى جوق بولسا, ونى قايتا قوسۋ ۇسىنىلادى.
- ول ءۇشىن كومپيۋتەر نە تەلەفون ارقىلى egov.kz (eGov mobile) پورتالىنا كىرەسىز. (اتالعان قۇرىلعىلاردا egov.kz پورتالى جوق بولسا جاڭادان ەنگىزەسىز);
- پورتال اشىلعاننان كەيىن «كىرۋ» باتىرماسىن باسىپ, پورتال سۇراتقان مالىمەتتەردى جازاسىز;
- جەكە كابينەت اشىلعاننان سوڭ «وتباسى» بولىمىنە وتەسىز. وسى بولىمدە جولداسىڭىز بەن بالالارىڭىزدىڭ جەكە مالىمەتتەرى شىقسا, دەمەك, پورتالداعى بازادا بالا تىركەلىپ تۇرعانىن اڭعارتادى.
ال egov.kz-تەگى «وتباسى» بولىمىندە بالالارىڭىزدىڭ مالىمەتتەرى شىقپاسا, وسى بولىمنەن «بالالار» باتىرماسىن باساسىز.
بالالار ءبولىمىنىڭ تومەنگى جاعىندا «بالانى قوسۋ» فۋنكتسياسى شىعادى. سايكەسىنشە وسى جەردە بالانىڭ جسن ءنومىرىن ەنگىزۋ سۇرالادى. بالاڭىزدىڭ جسن نومەرىن تەرگەننەن كەيىن «قوسۋ» باتىرماسىن باساسىز. وسى ارەكەتتەر اياقتالعاننان كەيىن «بالا ءساتتى قوسىلدى» حابارلاماسى ەكرانعا شىعادى. تاعى باسقا بالاڭىزدى تىركەۋ ءۇشىن ءدال وسى فۋنكتسيالاردى قايتا ورىنداساڭىز جەتكىلىكتى. جاڭارتۋ ارقىلى بالاڭىزدىڭ بازاعا تىركەلگەنىنە كوز جەتكىزە الاسىز.
«ۇلتتىق قور - بالالارعا» باعدارلاماسى اياسىندا ءار بالاعا جىلىنا 100-150 دوللار شاماسىندا قارجى اۋدارىلادى دەپ جوسپارلانىپ وتىر.
