جالپى, 2024 جىلى رەسپۋبليكالىق بيۋدجەتتىڭ الەۋمەتتىك-ەڭبەك سالاسىنا شىعىستارى شامامەن 5 تريلليون 456 ميلليارد تەڭگە سوماسىندا كوزدەلگەن, بۇل 2023 جىلعى شىعىستاردان (شامامەن 4,7 تريلليون تەڭگە) 16,3 پايىز ارتىق.
«جوسپارلانعان شىعىستاردىڭ 98,2 پايىزى نەمەسە 5 تريلليون 355,5 ميللياردى 2,4 ميلليون زەينەتكەرگە زەينەتاقى جانە 2,2 ميلليونعا جۋىق الۋشىعا جاردەماقى تولەۋگە باعىتتالادى», دەپ حابارلادى ەڭبەك جانە حالىقتى الەۋمەتتىك قورعاۋ مينيسترلىگى.
ۆەدومستۆونىڭ مالىمەتىنشە, بۇگىندە رەسپۋبليكالىق بيۋدجەتتەن الەۋمەتتىك تولەمدەردىڭ 41 ءتۇرى, سونىڭ ىشىندە بازالىق جانە ىلەسكەن زەينەتاقىلار تولەنەدى. 2023 جىلى 4,4 ملن ادامعا جاردەماقى مەن زەينەتاقى تولەۋگە 4 ترلن 689,3 ملرد تەڭگە ءبولىندى, ونىڭ ىشىندە 2,3 ملن زەينەتكەرلەر جانە 2,1 ملن مەملەكەتتىك جاردەماقى الۋشى بار.
