فوتو: اشىق دەرەككوز
وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە جول-كولىك اپاتى استانا-پەتروپاۆل تاسجولىنىڭ 216-شاقىرىمى تۇسىندا 2 قاڭتار كۇنى بولعان. وقيعا ورنىنا جەتكەن پوليتسيا قىزمەتكەرلەرى ءبىر ۋاقىتتا 15 شاقتى كولىكتىڭ اپاتقا ۇشىراعانىن انىقتاعان.
ۆەدومستۆو حابارلاماسىندا: «قۇربان بولعاندار جوق. 37 جاستاعى ەر ادام, 33 جاستاعى ايەل ادام, 9-داعى بالا ءتۇرلى جاراقاتپەن ماكينسك اۋرۋحاناسىنا جەتكىزىلدى. زارداپ شەككەندەر ەشتەڭەگە شاعىمدانبادى», دەلىنگەن.
قر قك-ءنىڭ 610-بابى («كولىك جۇرگىزۋشىلەرىنىڭ ادامداردىڭ دەنساۋلىعىنا زاردابىن تيگىزىپ, كولىك نەمەسە وزگە مۇلكىن بۇلدىرۋگە الىپ كەلگەن جول ەرەجەسىن بۇزۋ») بويىنشا ەكى كولىك جۇرگىزۋشىسىنە اكىمشىلىك حاتتاما تولتىرىلدى.
