2024 جىلى مۇمكىندىگى شەكتەۋلى جانداردىڭ كۇنىنە وراي (قازان ايىنىڭ ەكىنشى جەكسەنبىسى) الەۋمەتتىك كومەك كەلەسى ساناتتاعى ازاماتتارعا ەنگىزىلدى:
- ءبىرىنشى توپتاعى مۇگەدەكتەرگە – 20 ايلىق ەسەپتىك كورسەتكىش (73 840 تەڭگە);
- ەكىنشى توپتاعى مۇگەدەكتەرگە جانە بارلىق توپتاعى ون سەگىز جاسقا دەيىنگى مۇگەدەك بالالارعا – 10 اەك (36 920 تەڭگە);
- ءۇشىنشى توپتاعى مۇگەدەكتەرگە – 5 اەك (18 640 تەڭگە).
سونىمەن قاتار كەلەسى ساناتتاعى ازاماتتار استانا قالاسىنداعى ماڭىزدى داتالار مەن مەرەكەلەر ءۇشىن 2,5 اەك (9 230 تەڭگە) كولەمىندە بىرجولعى تولەم الادى:
- 4 اقپان (دۇنيەجۇزىلىك قاتەرلى ىسىككە قارسى كۇرەس كۇنى) – الەۋمەتتىك ماڭىزى بار اۋرۋلارى بار ازاماتتار مەن قاتەرلى ىسىكتەرى بار بالالار;
- 8 ناۋرىز (حالىقارالىق ايەلدەر كۇنى) – كوپبالالى انالار, سونىڭ ىشىندە از قامتىلعان وتباسىلار;
- 21–23 ناۋرىز (ناۋرىز مەيرامى) – اتا-اناسىنىڭ قامقورلىعىنسىز قالعان بالالار;
- 7 مامىر (وتان قورعاۋشىلار كۇنى) – مەملەكەت الدىنداعى ەرەكشە ەڭبەگى ءۇشىن زەينەتاقى الاتىن زەينەتكەرلەر;
- 31 مامىر (ساياسي قۋعىن-سۇرگىن قۇرباندارىن ەسكە الۋ كۇنى) – ساياسي قۋعىن-سۇرگىن قۇرباندارى, ساياسي قۋعىن-سۇرگىنگە ۇشىراعان, مۇگەدەكتەر نەمەسە زەينەتكەرلەر;
- 1 ماۋسىم (بالالاردى قورعاۋ كۇنى) – جەتىم بالالار;
- 29 تامىز (سەمەي يادرولىق سىناق پوليگونىنىڭ جابىلۋ كۇنى) – زەينەتكەرلەر مەن يادرولىق سىناقتار سالدارىنان كەلتىرىلگەن زالال ءۇشىن بىرجولعى وتەماقى الۋشىلار قاتارىنان سەمەي يادرولىق سىناق پوليگونىنداعى يادرولىق سىناقتاردىڭ سالدارىنان زارداپ شەككەن ازاماتتار;
- 1 قازان (قارتتار كۇنى) – جاسى بويىنشا زەينەتكەرلەر مەن ەڭ تومەنگى زەينەتاقىنى الۋشىلار;
- 1 جەلتوقسان (دۇنيەجۇزىلىك جيتس-كە قارسى كۇرەس كۇنى) – ادامنىڭ يممۋن تاپشىلىعى ۆيرۋسىن تاسىمالداۋشىلاردى قوسا العاندا, ادامنىڭ يممۋن تاپشىلىعى ۆيرۋسى تۋدىرعان اۋرۋمەن اۋىراتىن ازاماتتار.
رەسپۋبليكا كۇنى (25 قازان) اتاۋلى الەۋمەتتىك كومەك الۋشىلار 4,5 اەك (16 614 تەڭگە) مولشەرىندە تولەم الۋعا قۇقىلى.
60 اەك (221 520 تەڭگە) مولشەرىندە الەۋمەتتىك كومەك 1986 جىلى 17-18 جەلتوقسانداعى وقيعالارعا قاتىسۋشىلاردىڭ اراسىنان ساياسي قۋعىن-سۇرگىن قۇرباندارىنا «ادامداردى وڭالتۋ تۋرالى» زاڭدا بەلگىلەنگەن تارتىپپەن اقتالعاندارعا تاعايىندالادى.
15 اقپاندا «ارداگەرلەر تۋرالى» زاڭنىڭ 5-بابىنىڭ 2, 3, 4, 5-تارماقتارىندا كورسەتىلگەن باسقا مەملەكەتتەردىڭ اۋماعىنداعى سوعىس قيمىلدارىنا قاتىسقان ارداگەرلەرگە جانە اۋعانستانداعى اسكەري قىزمەت كەزىندە العان جاراقاتى نەمەسە كونتۋزياسى سالدارىنان مۇگەدەك بولىپ قالعان اسكەري قىزمەتشىلەرگە 45 اەك (166 140 تەڭگە) كولەمىندە الەۋمەتتىك كومەك كورسەتىلەدى.
وسىعان ۇقساس كولەمدەگى كومەك 26 ساۋىردە ۇلى وتان سوعىسى ارداگەرلەرىنە جەڭىلدىكتەر بويىنشا تەڭەستىرىلگەن ارداگەرلەرگە, سونداي-اق چەرنوبىل اتوم ەلەكتر ستانتسياسىنداعى اپاتتىڭ زارداپتارىن جويۋعا قاتىسقان باسقا دا تۇلعالارعا تولەنەدى.
ۇلى وتان سوعىسى ارداگەرلەرىنە جەڭىلدىكتەر بويىنشا تەڭەستىرىلگەن ارداگەرلەرگە, سونداي-اق بەكىتىلگەن قاعيدالاردىڭ 16-تارماعىندا كورسەتىلگەن ادامداردى قوسپاعاندا, باسقا مەملەكەتتەردىڭ اۋماعىنداعى سوعىس قيمىلدارىنا قاتىسقان ارداگەرلەرگە جەڭىس كۇنىنە بىردەي مولشەردەگى كومەك تاعايىندالادى. استانا قالاسى ءماسليحاتىنىڭ 2023 جىلعى 3 قازانداعى شەشىمىمەن ۇلى وتان سوعىسى ارداگەرلەرىنىڭ وزدەرى كەمىندە ءبىر ميلليون تەڭگە جاردەماقى السا, ەڭبەك ارداگەرلەرى 15 اەك (55 380 تەڭگە) الۋعا قۇقىلى.
ال, ەڭبەك جانە حالىقتى الەۋمەتتىك قورعاۋ مينيسترلىگى بىزگە بىرجولعى الەۋمەتتىك كومەك كورسەتۋگە ارنالعان ەستە قالارلىق كۇندەر مەن مەرەكەلەردىڭ ءتىزىمى ايماقتاردا ءار ءتۇرلى جانە بەلگىلى ءبىر اكىمشىلىك-اۋماقتىق بىرلىكتىڭ بيۋدجەتتىك مۇمكىندىكتەرىنە بايلانىستى ەكەنىن ايتتى.
«جالپى, اكىمدىكتەر 21 ەستە قالارلىق داتالاردا جانە مەرەكە كۇندەرى الەۋمەتتىك كومەك كورسەتەدى. الەۋمەتتىك كومەك الۋشىلاردىڭ وتىنىشتەرىن تالاپ ەتپەي, ۋاكىلەتتى ورگاننىڭ نەمەسە باسقا ۇيىمداردىڭ ۇسىنۋى بويىنشا اكىمدىكتەر بەكىتكەن ءتىزىم بويىنشا كورسەتىلەدى», دەپ ءتۇسىندىردى مينيسترلىك.
