جاڭا مەكتەپ عيماراتىنىڭ قۇرىلىسىنا ارنالعان ورىندى ريددەر قالاسىنىڭ اكىمدىگى انىقتايدى. ورىن البەتتە تۇرعىندارعا قولايلى بولۋعا ءتيىس. سونىمەن قاتار قالا اكىمدىگى بارلىق قاجەتتى ينجەنەرلىك كوممۋنيكاتسيالاردى جەتكىزۋدى قامتاماسىز ەتەدى. مەكتەپتىڭ قۇرىلىسىن قىسقا مەرزىمدە اياقتاۋ جوسپارلانعان.
مەموراندۋمعا قول قويۋ بارىسىندا شىعىس قازاقستان وبلىسىنىڭ اكىمى ەرمەك كوشەرباەۆ الەۋمەتتىك باستامالاردى ءوز موينىنا الاتىن ءىرى كاسىپورىنداردىڭ ەڭبەگىن ەرەكشە اتاپ ءوتتى.
– ريددەر قالاسىندا 16 مەكتەپ جۇمىس ىستەيدى. الايدا كوپتەگەن مەكتەپتىڭ قابىرعاسى وتكەن عاسىردىڭ 30-جىلدارى قالانعان. مىڭداعان تۇرعىنى بار قالادا سوڭعى رەت مەكتەپ 1974 جىلى, ودان سوڭ تەك 50 جىلدان كەيىن 2022 جىلى عانا بوي كوتەرگەن. سوندىقتان زاماناۋي كابينەتتەرمەن جاساقتالىپ, بارلىق قاجەتتى زاتتارمەن جابدىقتالعان جاڭا جايلى مەكتەپ سالۋ – بالالار ءۇشىن, پەداگوگتەر مەن اتا-انالار ءۇشىن تاماشا سىيلىق بولادى, – دەدى ە.كوشەرباەۆ.
ەكسپورتقا باعدارلانعان «كازتسينك» سياقتى ءىرى كاسىپورىن ءۇشىن جاڭا مەكتەپ سالۋ – بيزنەستىڭ الەۋمەتتىك جاۋاپكەرشىلىگى عانا ەمەس, سونىمەن قاتار كومپانيا قىزمەتكەرلەرى ءۇشىن قولايلى ورتا قۇرۋ ماقساتىنداعى ۇزاقمەرزىمدى ينۆەستيتسيا.
– ءبىزدىڭ كومپانيا قىزمەتكەرلەرىنىڭ جارتىسىنا جۋىعى ريددەردە جۇمىس ىستەيدى. ءبىز جالپى قالانىڭ دامۋىنا, ونىڭ ىشىندە ماماندارىمىز بەن ولاردىڭ وتباسىلارىنا قولايلى جاعداي جاساۋ ماسەلەسىنە ايرىقشا كوڭىل بولەمىز. بۇگىنگى مەموراندۋم – ءىرى بيزنەس پەن مەملەكەتتىك ورگانداردىڭ وسى باعىتتاعى ءتيىمدى ارىپتەستىگىنىڭ تاماشا ۇلگىسى, – دەدى «كازتسينك» جشس باس ديرەكتورى الەكساندر حمەلەۆ.
جاڭا مەكتەپ سالۋ – ورتا ءبىلىم بەرۋ ۇيىمدارىندا جايلى جانە قاۋىپسىز ءبىلىم بەرۋ ورتاسىن قۇرۋدىڭ تاعى ءبىر قادامى. وقۋشىلار ساپالى ءبىلىم الۋ مۇمكىندىگىنە يە بولادى. ەڭ باستىسى, قازاق مەكتەبىنىڭ ماسەلەسى شەشىلەدى. ەستەرىڭىزدە بولسا, ۇلكەن قوعامدىق رەزونانس تۋدىرعان «شاڭىراق» مەكتەبىنىڭ وقۋشىلارى قازىرگى تاڭدا №11 جاڭا مەكتەپكە كوشىرىلگەن ەدى.
ايتا كەتەيىك, بىلتىرعى تامىز ايىنان باستاپ ريددەردە «جايلى مەكتەپ» ۇلتتىق جوباسى اياسىندا تاعى ءبىر جاڭا مەكتەپتىڭ قۇرىلىسى باستالعان. بۇل باعدارلامانىڭ ماقساتى – ورتا ءبىلىم بەرۋ ۇيىمدارىنداعى اپاتتى نىسانداردى, ءۇش اۋىسىمدى وقىتۋدى جانە وقۋشى ورىندارىنىڭ تاپشىلىعىن جويۋ.
شىعىس قازاقستان وبلىسى
