قارجى مينيسترلىگىنىڭ ۇلتتىق قوردى بيۋدجەتتىك نەسيەلەندىرۋ جانە قارجى سەكتورى ماسەلەلەرى جونىندەگى ءوزارا ءىس-قيمىل دەپارتامەنتىنىڭ ديرەكتورى ايبول ارعىنعازينوۆ باستامانىڭ ءتۇيىندى يدەياسى ۇلتتىق بايلىقتى وسكەلەڭ ۇرپاققا ۇلەستىرۋ ەكەندىگىن ايتتى.
«2024 جىلى الدىن الا ەسەپتەۋلەر بويىنشا 250 مىڭنان استام بالا ۇلتتىق قوردىڭ قاراجاتىن وقۋ اقىسىن تولەۋگە نەمەسە تۇرمىس جاعدايىن جاقسارتۋعا پايدالانا الادى», دەدى ول.
بۇعان دەيىن ۇلتتىق بانك ۇلتتىق قوردىڭ جارتىسى قازاق بالالارىنا اۋدارىلاتىن ينۆەستيتسيالىق كىرىس كولەمىن جاريالاعان بولاتىن.
«2005-2022 جىلدار ارالىعىنداعى تابىس جىلدىق ماندە 2,6 پايىزدى نەمەسە 1,4 ميلليارد دوللاردى قۇرادى. سايكەسىنشە, 2024 جىلى «ۇلتتىق قور - بالالارعا» باعدارلاماسى اياسىندا بارلىق الۋشىلارعا, سونىڭ ىشىندە ءوز دەڭگەيىنە جەتكەندەرگە دە شامامەن 695,5 ميلليون دوللار بەرىلەدى», دەپ حابارلادى ۇلتتىق بانك.
بۇعان دەيىن قارجى مينيسترلىگى ۇلتتىق قوردان قاراجات 2024 جىلدىڭ 1 اقپانىنان باستاپ بالالارعا تولەنە باستايتىنىن حابارلاعان بولاتىن.
ەستەرىڭىزگە سالا كەتەيىك, پرەمەر-ءمينيستردىڭ ورىنباسارى ەرۇلان كەنجەبەكوۆ «ۇلتتىق قور - بالالارعا» باعدارلاماسىنا تۋعاننان باستاپ قاتىساتىندار ءۇش مىڭنان ءتورت مىڭ دوللارعا دەيىن الاتىنىن ايتقان بولاتىن.
