فوتو: «جولاۋشىلار تاسىمالى» اق ءباسپاسوز قىزمەتى
«جولاۋشىلار تاسىمالى» اق ءباسپاسوز قىزمەتىنىڭ مالىمەتىنشە, ولارعا تۇرىپ تۇراتىن ورىندار ۇسىنىلدى. كوكشەتاۋ, قاراعاندى, پاۆلودار ت.ب. قالالارعا جاقىن باعىتتار بويىنشا استانادان قوسىمشا 2000 ورىنعا دەيىن ۇلعايتىلدى.
جالپى, جاڭا جىلدىق مەرەكەگە 26 جەلتوقساننان 2024 جىلعى 5 قاڭتارعا دەيىن قوسىمشا پويىزدار مەن تىركەمە ۆاگونداردى تاعايىنداۋ ەسەبىنەن 20 مىڭ ورىنعا دەيىن ۇلعايتۋ ۇيىمداستىرىلعان.
ۆوكزالدار مەن پويىزداردا جولاۋشىلار اعىنىنىڭ كۇرت وسكەنىن ەسكەرە وتىرىپ, «جولاۋشىلار تاسىمالى» اق ساپارلاۋدان باس تارتۋدى ۇسىنادى جانە جولاۋشىلاردىڭ قاۋىپسىزدىگىن قامتاماسىز ەتۋگە باعىتتالعان قابىلدانىپ جاتقان شارالارعا تۇسىنىستىكپەن قاراۋدى سۇرادى.
قولايسىز اۋا-رايى كەزىندە تەمىرجول كولىگى جولاۋشىلاردى تاسىمالداۋدىڭ بىردەن-ءبىر قولجەتىمدى بالاماسى بولىپ قالا بەرەدى. سەبەبى اۆتوموبيل قوزعالىسى مەن اۋە قاتىناسى ۋاقىتشا توقتاتىلدى. اقمولا, جامبىل, جەتىسۋ, قاراعاندى, قوستاناي, پاۆلودار, سولتۇستىك قازاقستان, تۇركىستان, ۇلىتاۋ وبلىستارى جول ۋچاسكەلەرىنە شەكتەۋلەر ەنگىزىلگەنى ءمالىم بولىپ وتىر.
