Qazaqstan تەلەارناسىنا سۇحبات بەرگەن Qazaq Style الداعى جوسپارلارىمەن دە بولىسكەن.
- بىزدە قازىر ەكىنشى ورتا سالماقتاعى الەم چەمپيونى «كانەلو» بولىپ تۇر. ونى 100 پايىز جەڭە الامىن. ويتكەنى مەن ونىڭ ءاربىر جەكپە-جەگىن, جاتتىعۋلارىن بىلەمىن. باقىلاپ وتىرامىن. قاراپ جۇرەمىن. ونىڭ كەمشىلىگى مەن ارتىقشىلىعىن ايتا الامىن. ونىڭ ءبارىن داپتەرگە جازىپ وتىرامىن. ەگەر ونىمەن قولعاپ تۇيىستىرەتىن بولسام, قانداي تاكتيكا قولدانىپ, قانداي ايلامەن جەڭۋ كەرەكتىگىن بىلەمىن. مەن ونى ءبىر راۋندتا ءۇش رەت قۇلاتا الامىن. بۇل جاي ءسوز ەمەس. قۇداي قالاسا, كەزدەسىپ جاتساق, ىسپەن دالەلدەۋگە تىرىسامىز, – دەدى جانىبەك ءالىمحان ۇلى.
ايتا كەتەيىك, قازاق بوكسشىسى سوڭعى جەكپە-جەگىن بيىل 14 قازاندا نەمىس ۆينچەنتسو گۋالتەريمەن وتكىزىپ, اتىنشى راۋندتا تەحنيكالىق نوكاۋتپەن جەڭدى. وسىلايشا ول ءوزىنىڭ WBO تيتۋلىن قورعاپ, قارسىلاسىندا بولعان IBF چەمپيوندىق بەلبەۋىن يەلەندى.
قازىرگى تاڭدا جانىبەكتىڭ پروموۋتەرلەرى امەريكالىق داڭقتى بوكسشى كىشى كريس يۋبەنكپەن جەكپە-جەك وتكىزۋگە تىرىسىپ جاتىر. يۋبەنكتىڭ ءوزى بۇل كەزدەسۋگە قارسى بولماعانىمەن, ونىڭ پروموۋتەرلەرى ازىرگە كەلىسسوزگە بارار ەمەس.
