فوتو: ۆيدەودان سكرين
حابار بارىسىندا جانىبەك كوزىنە جاس الىپ قالدى.
وسىعان قاتىستى جانىبەككە اناسىن تابۋعا اقپاراتتىق جانە جان-جاقتى قولداۋ ءبىلدىرىپ وتىرعان جۋرناليست قىمبات دوسجان پىكىرىمەن ءبولىستى.
«ايەل قۇجاتتاعى اتى-ءجوندى ويدان قۇراستىرىپ جازىپ كەتكەنىن مويىنداپ وتىر. وكىنىشتىسى ساراپتاما ناتيجەسى بويىنشا ول ايەل جانىبەكتىڭ اناسى بولماي شىقتى. رەسمي قۇجاتتاعى بۇكىل مالىمەتتى مويىنداپ, قابىلداپ وتىرعان ادامنىڭ سىناما ناتيجەسى بۇلاي شىققانى تۇسىنىكسىز جاعداي. ەكىنشى كۇدىگىمىز: پەرزەنتحانادا نەمەسە جانىبەك 2 جىل بويى تاربيەلەنگەن بالالار ۇيىندە بالالار اۋىسىپ كەتكەن. ەندى سۇراق – بالا اۋىسىپ كەتسە, ءبىز تاۋىپ وتىرعان جازيرانىڭ ۇلى قايدا؟!», دەپ تۇيىندەدى حاباردىڭ جۇرگىزۋشىسى قىمبات دوسجان.
سونىمەن قوسا تابىلعان كەلىنشەك ارقالىقتىڭ ادامى ەمەس, ارقالىققا باسقا جاقتان ءبىر تانىسىنىڭ ۇيىنە بارعانىن جانە بەيرەسمي دەرەكتەردە ايتىلىپ جۇرگەن «اسەل» دەگەن ادامنىڭ جالعان ەكەنىن ايتقان.
جانىبەك تەرىس ناتيجەگە قاراماستان ىزدەۋدى جالعاستىرۋعا بەكىنىپ وتىر. باعدارلاما ۇجىمى دا تابىلعان كەلىنشەك پەن جانىبەك باسقا كلينيكانىڭ لابوراتورياسىنا ەكىنشى رەت تەست تاپسىرۋعا كەلىسىم بەرىپ وتىرعانىن ايتىپ, ىزدەۋ جالعاساتىنىن حابارلادى.
ايتا كەتەيىك, قۇرمەتتى وقىرمان, وسى وقيعاعا قاتىستى بىلەتىن مالىمەتتەرىڭىز بولسا, «بارمىسىڭ, باۋىرىم؟» باعدارلاماسىنىڭ رەداكتورى اسەل اسقارقىزىنا قۇپيا تۇردە جازۋعا بولادى: +77713219786.
