قارجى مينيسترلىگىنىڭ قىزمەتكەرلەرى بيىل ءۇش-ءتورت جالاقى كولەمىندە جاڭاجىلدىق سىياقى الۋى مۇمكىن. بۇل تۋرالى ەرۇلان جاماۋباەۆ ءماجىلىس وتىرىسىنان كەيىن تىلشىلەردىڭ ساۋالىنا جاۋاپ بەرۋ اياسىندا ايتتى.
ء«بىزدىڭ مينيسترلىكتە وڭىرلەر بولەك الادى, ورتالىق اپپارات - بولەك. مەنىڭ ويىمشا, 3-4 جالاقى مولشەرىندە سىيلىقاقى بولىنگەن شىعار», دەدى ەرۇلان جاماۋباەۆ.
سونداي-اق ۆيتسە-مينيستر قىزمەتكەرلەرگە جاڭا جىلدىق سىياقى بەرۋ ءتارتىبىن ءتۇسىندىردى.
«بارلىق ءىس-شارادان كەيىن – ساتىپ الۋ, جالاقى تولەۋ - ءاربىر مەملەكەتتىك ورگاندا قانداي دا ءبىر ۇنەمدەلگەن قارجى قالادى. زاڭدا قاراستىرىلعان, ەگەر از مولشەردە ۇنەمدەلگەن قارجى بولسا, ونى سىياقى تۇرىندە بەرە الادى. بۇل قىزمەتكەرلەر اراسىندا جاي عانا بولىنە سالمايدى, سىياقى مولشەرىن انىقتاۋ جانە بۇل سىيلىقاقىلاردى بەرۋ ەرەجەلەرى بار. ەرەكشە جۇمىستار, كۇردەلى جۇمىستار, جۇمىستان تىس ۋاقىتتاعى قىزمەتى ءۇشىن. سوندىقتان مۇنىڭ ءبارى زاڭ بويىنشا – ءاربىر مەملەكەتتىك ورگان دەربەس بولەدى», دەدى قارجى ءمينيسترى.
