فوتو: otyrar.kz
«التىن وردا» ارت - گالەرەياسىنىڭ نەگىزىن قالاۋشى بولاتبەك بەيىسبەكوۆتىڭ وتباسى 10 جىلدان بەرى جاڭاجىلدىق شىرشانى قازاقى ناقىشتا بەزەندىرۋدى داستۇرگە اينالدىرعان. قولونەر شەبەرلەرى جاسىل شىرشانى ارلەۋگە ارنالعان ساندىق, لاڭگى, اسىق, ۇلتتىق اسپاپتار, كيىز ءۇي مەن جىل يەلەرىنىڭ ويىنشىق كىشى كوشىرمەلەرىن وزدەرى ارنايى دايىنداعان.
بولاتبەك بەيىسبەكوۆ زاماناۋي سۇرانىستارعا ۇلتتىق قۇندىلىقتارىمىزدى يكەمدەۋ ارقىلى جاۋاپ بەرسەك ۇرپاق تاربيەسىندە وتكەنىمىز ۇمىتىلمايدى, كەرىسىنشە وشكەنىمىز جانادى دەگەن پىكىردى ۇستانادى.
«جىل سايىن جاڭا جىل قارساڭىندا 4 مەترلىك جاسىل شىرشانى ەتنوستيلدە بەزەندىرەمىز. شىرشانى ساندەۋگە نەمەرەلەرىم مەن وتباسى مۇشەلەرى تۇگەل قاتىسادى. وسى پروتسەسس بارىسىندا ءار ويىنشىق كوشىرمەنىڭ تاريحىن, قولدانىلۋ ورنىن اڭگىمەلەپ بەرەمىن. سونداي-اق شاڭىراعىمىزعا كەلگەن قوناقتار دا ۇلتتىق كودىمىز بولىپ بەدەرلەنگەن ساندىك بۇيىمدارمەن جاقىن تانىسا الادى. مۇندا ىلىنگەن ءار ويىنشىقتىڭ استارىندا ىزگى تىلەك جاتىر. ماسەلەن, مىنا اعاش ورىندىق جاڭا جىلدا ءار ۇيدە قۇتتى قوناق ۇزىلمەسىن دەگەندى اڭعارتسا, دوڭگەلەك ءپىشىندى اعاش ۇستەل داستارحانىمىز مول بولسىن دەگەن نيەتپەن ىلىنگەن», دەيدى ب.بەيىسبەكوۆ.
قولونەر شەبەرلەرى بۇل باستاماعا ءار وتباسى قولداۋ ءبىلدىرىپ, مەرەكەگە وسىنداي ۇلتتىق سيپات بەرسە جاس بۋىننىڭ ساناسى دا سەرگەك بولاتىنىن ايتتى.
