فوتو: gov.kz
ىسكە اسىرىلاتىن ءىس-شارالاردىڭ قاتارىندا دامۋدىڭ ينستيتۋتسيونالدىق نەگىزدەرىن قۇرۋ, ءوزارا ءىس-قيمىلدىڭ ديالوگتىق فورماتىن قۇرۋ, ۇكىمەتتىك ەمەس سەكتور مەن ۆولونتەرلەر قوعامداستىعىن وزەكتى ماسەلەلەردى شەشۋگە تارتۋ جۇيەسىن جەتىلدىرۋ بار.
ء«بىرىنشى باعىت بويىنشا مەملەكەت باسشىسىنىڭ تاپسىرماسى اياسىندا «قوعامدىق باقىلاۋ تۋرالى» جاڭا زاڭ جانە وعان ىلەسپە زاڭ قابىلداندى. ولار قوعاممەن قاتار تالقىلانىپ, ساراپتالىپ دايىندالدى. زاڭداردا سۋبەكتىلەر مەن وبەكتىلەردىڭ بازالىق قاعيدالارى مەن قاعيداتتارى, قۇقىقتارى مەن مىندەتتەرى, قوعامدىق باقىلاۋ نىساندارى ايقىندالعان. العاش رەت زاڭنامالىق دەڭگەيدە پەتيتسيالار ينستيتۋتى ەنگىزىلدى. وعان قوسا 21 جەلتوقساندا ازاماتتاردىڭ بىرلەستىكتەر قۇرۋداعى ەركىندىك قۇقىقتارىن كەڭەيتۋگە باعىتتالعان «قوعامدىق بىرلەستىكتەر تۋرالى» زاڭعا وزگەرىستەر ەنگىزۋ تۋرالى قر زاڭىنا قول قويىلدى», دەدى ا. بالاەۆا ورتالىق كوممۋنيكاتسيالار قىزمەتىندە وتكەن بريفينگتە.
قوعامدىق كەڭەستەردىڭ قىزمەتىن قايتا فورماتتاۋ بويىنشا قارقىندى جۇمىس جۇرگىزىلدى. ولاردىڭ قۇرامىنداعى ازاماتتىق سەكتوردىڭ وكىلدىگى 23,5%-عا ءوسىپ, 86%-دى قۇراپ وتىر. كەڭەستەردەگى جاستاردىڭ ۇلەسى 10%-عا دەيىن ءوستى.
ايتا كەتسەك, مينيسترلىك ۆولونتەرلەر قوزعالىسىن بەلسەندى دامىتىپ جاتىر. 2020 جىلدان باستاپ رەسپۋبليكالىق جانە وڭىرلىك فرونت-وفيستەر جۇمىس ىستەيدى. اۋقىمدى جۇمىس ناتيجەسىندە ۆولونتەرلەر ۇيىمدارىنىڭ سانى 3 ەسەگە, بەلسەندى ۆولونتەرلەر سانى 5 ەسەگە ارتتى.
ۇكىمەتتىك ەمەس ۇيىمدارمەن ءوزارا ءىس-قيمىلدىڭ ءارتۇرلى ديالوگتىق فورماتتارى قامتاماسىز ەتىلىپ جاتىر.
«وسىنداي الاڭداردىڭ ءبىرى – 2023 جىلدان بەرى جۇيەلى نەگىزدە جۇمىس ىستەپ كەلە جاتقان قازاقستاننىڭ ازاماتتىق فورۋمىنىڭ پلاتفورماسى. ماڭىزدى ديالوگ الاڭى – ۇلتتىق قۇرىلتاي. قۇرىلتايدىڭ ەكىنشى وتىرىسىندا مەملەكەت باسشىسى جاڭا قوعامدىق ەتيكانى قالىپتاستىرۋ, «ادىلەتتى قازاقستان» قۇرۋ, سونداي-اق «ادال ازامات» قالىپتاستىرۋ جونىندە ناقتى تاپسىرمالار بەردى. وسى مىندەتتەردى شەشۋ ءۇشىن ءبىز جۇمىس ىستەپ جاتىرمىز», دەدى مينيستر.
