الداعى ۋاقىتتا زاڭ سالاسىنداعى تەرميندەردى رەتتەۋ جۇمىسى كۇتىپ تۇر. باستى ماقسات – نورماتيۆتىك-قۇقىقتىق اكتىلەردى ازىرلەۋگە, ءىس قاعازدارىن جۇرگىزۋگە قاجەت تەرميندەردى بىرىزدەندىرۋ. ۆيتسە-پرەمەرگە پلاتفورمالاردىڭ جۇمىسى مەن ارالىق ناتيجەلەرى تۋرالى مالىمەت بەرىلدى.
كەلەر جىلى ء«تىل-قازىنا» ۇلتتىق عىلىمي-پراكتيكالىق ورتالىعى جاساندى ينتەللەكت سالاسىندا بىرنەشە جوبا ۇسىنباق. سونىڭ ءبىرى – «Qazgramma» پلاتفورماسى, ول جازىلعان ءماتىننىڭ دۇرىستىعىن تەكسەرۋگە مۇمكىندىك بەرەدى. جوبا الەمدىك نارىقتا تانىلعان Grammarly سەرۆيسىنىڭ بالاماسى رەتىندە ۇسىنىلىپ وتىر.
«جاساندى ينتەللەكت وزەگى – ءتىل, سوندىقتان اۋقىمدى ءتىل مودەلىن جاساۋ – مەملەكەتتىڭ كەزەك كۇتتىرمەيتىن قاجەتتىلىگى. ءبىز وسى جۇمىستى باستادىق», دەدى عىلىم جانە جوعارى ءبىلىم ءمينيسترى ساياسات نۇربەك.
ورتالىق قولجەتىمدى حالىقارالىق اۋقىمدى ءتىل مودەلدەرىن (LLM) قازاق تىلىنە بەيىمدەۋ جۇمىسىن جۇزەگە اسىرۋعا دايىن ەكەنىن ءبىلدىردى. ناتيجەسىن اشىق كودتار ارقىلى وتاندىق كومپانيالار مەن مەملەكەتتىك ورگاندارعا تەگىن ۇسىنىپ, ءوز قاجەتتىلىكتەرىنە ساي پايدالانۋىنا جول اشپاق. ورتالىق ديرەكتورى ماقپال جۇماباي جاساندى ينتەللەكتىنى اۆتوماتتى تۇردە وقىتۋ ءۇشىن مەملەكەتتىك دەڭگەيدەگى دەرەكتەر قورى قاجەتتىگىن ورتاعا سالدى.
«قازىر – تسيفرلاندىرۋ ءداۋىرى. الدىمىزدا تۇرعان ماقسات – ءتىلىمىزدى تسيفرلىق كەڭىستىكتە وركەندەتۋ. جاساندى ينتەللەكتىنى بارلىق سالاعا ەنگىزۋ ارقىلى ەل دامۋىنا جول اشامىز. بۇل جوبالار جونىندە ازاماتتار ءبىلۋى قاجەت. سوندىقتان اقپاراتتاندىرۋ جۇمىسىن جۇرگىزۋ ماڭىزدى», دەدى تامارا دۇيسەنوۆا.
سونىمەن قاتار كەڭەستە قازاق ءتىلى ەمتيحانىن حالىقارالىق ستاندارتتاۋ, ءتىلدى مەڭگەرۋ دەڭگەيىن سەرتيفيكاتتاۋ جۇيەسى, وقىتۋشىلار بىلىكتىلىگىن ارتتىرۋ, ادىستەمەلىك قۇرالداردى جەتىلدىرۋ جانە ت.ب. ماسەلەلەر كوتەرىلدى.
