فوتو: gov.kz
«دارىن» سىيلىعى 1992 جىلدان باستاپ دارىندى جاستاردى عىلىمي, شىعارماشىلىق جانە سپورتتاعى جوعارى جەتىستىكتەرى ءۇشىن مەملەكەتتىك قولداۋ ماقساتىندا تاعايىندالعان. ءار جىلدارى ءتۇرلى سالاداعى 320-دان استام ازامات اتالعان سىيلىقتى يەلەنگەن بولاتىن.
بيىل مەملەكەتتىك ورگاندار مەن قوعامدىق بىرلەستىكتەر 340-تان اسا كانديداتتى ۇسىندى. ونىڭ ىشىندە 110 - «عىلىم», 21 - «ديزاين جانە بەينەلەۋ ونەرى», 27 - «سپورت», 49 - «تەاتر جانە كينو», 12 - «ەسترادا», 10 - «جۋرناليستيكا», 28 - «حالىق شىعارماشىلىعى», 32 - «كرەاتيۆتى باستامالار», 28 - «ادەبيەت», 30 - «كلاسسيكالىق مۋزىكا». ءوتىنىمنىڭ 9-ى «دارىن» مەملەكەتتىك جاستار سىيلىعىن بەرۋ جونىندەگى قاعيدالاردىڭ تالاپتارىنا سايكەس كەلمەدى.
وتىنىمدەردى ىرىكتەۋ بويىنشا وتىرىستار 11-15 جەلتوقسان ارالىعىندا ءوتتى. كوميسسيا قۇرامىنا ءتۇرلى سالالاردا ەلەۋلى تابىستارعا قول جەتكىزگەن 37 بەلگىلى تۇلعا كىردى.
«ۇمىتكەرلەردىڭ جەتىستىكتەرى مەن جۇمىستارى جان-جاقتى سارالاندى. ارقايسىسىنا نەگىزدەلگەن شەشىم قابىلداندى. 11 جۇلدەگەردىڭ وڭىرلەردەن كەلگەنىنە قۋانىشتىمىن. بۇل جاستار ءۇشىن ۇلكەن ىنتالاندىرۋ. وزىق ويلى جاستاردىڭ لايىقتى وكىلدەرى ءالى دە از ەمەس. ءبىز قوعامىمىزدىڭ جانە تۇتاستاي ەلىمىزدىڭ دامۋىنا ۇلەس قوسىپ جۇرگەندەردى قولداپ, ىنتالاندىرۋىمىز كەرەك», دەدى مينيستر.
جەڭىمپازدارعا «دارىن مەملەكەتتىك جاستار سىيلىعىنىڭ لاۋرەاتى» اتاعى جانە ديپلوم, توسبەلگى مەن اقشالاي سىيلىق 22 جەلتوقساندا وتەتىن سالتاناتتى ماراپاتتاۋ راسىمىندە تابىستالادى.
بيىل سىيلىقتى بەرۋ ەرەجەلەرىنە تۇزەتۋلەر ەنگىزىلدى. اتاپ ايتقاندا, قاتىسۋشىلار 35 جاسقا دەيىن ۇلعايتىلىپ, «قوعامدىق قىزمەت» نوميناتسياسى «كرەاتيۆتى باستامالار» بولىپ اۋىستى. نوميناتسيا كرەاتيۆتى يندۋستريا سالاسىن دامىتۋعا مەملەكەت تاراپىنان ەرەكشە نازار اۋدارۋعا بايلانىستى وزگەرىسكە ءتۇستى. وسى باعىتتى ىنتالاندىرۋ وڭىرلەردەگى باستامالارعا جۇيەلى تۇردە نازار اۋدارۋعا, ءتۇرلى جوبالاردى انىقتاۋعا جانە ولاردى كوتەرمەلەۋگە, ەڭ ۇزدىك يدەيالاردى ىسكە اسىرۋعا مۇمكىندىك بەرەدى. كرەاتيۆتى باستامالارعا اقپارات, مەملەكەت پەن ازاماتتىق قوعامنىڭ ءوزارا ءىس-قيمىلى, مەملەكەتتىك جاستار جانە وتباسى ساياساتى, قايىرىمدىلىق, ۆولونتەرلىك قىزمەت سالالارىنداعى جەتىستىكتەر جاتادى.
