فوتو: اشىق دەرەككوز
«جول قوزعالىسى ەرەجەلەرىن, جىلدامدىق رەجيمىن, قاۋىپسىز قاشىقتىقتى, مانەۆر ەرەجەلەرىن جانە بۇيىرلىك ارالىقتى قاتاڭ ساقتاڭىز. كولىك قۇرالدارىنىڭ جۇرگىزۋشىلەرى شۇعىل مانەۆر جاساپ, تەجەگىشتى كۇرت باسۋدان ابايلاۋى قاجەت, بۇل قازىرگى اۋا رايى جاعدايىندا جول-كولىك اپاتىنا اكەپ سوعۋى مۇمكىن», دەپ ەسكەرتەدى پوليتسەيلەر.
پوليتسيا سونداي-اق جۇرگىزۋشىلەر عانا ەمەس, جاياۋ جۇرگىنشىلەرگە دە ەرەكشە مۇقيات بولۋ كەرەك ەكەنىن ەسكەرتتى.
«جولدا جاقىنداپ كەلە جاتقان اۆتوكولىكتىڭ جوقتىعىنا كوز جەتكىزىپ, گادجەتتى ۇستاماۋعا تىرىسۋ كەرەك. ساقتىق شارالارى جول-كولىك وقيعالارىنىڭ سانىن ايتارلىقتاي ازايتۋعا كومەكتەسەدى. جۇرگىزۋشىلەردى مۇقيات بولۋعا, كولىكتەردى جول بويىنا قويماۋعا, قوعامدىق كولىكتەردىڭ قوزعالىسىنا جانە قار تازالاۋ تەحنيكاسىنىڭ جۇمىسىنا كەدەرگى كەلتىرمەۋگە شاقىرامىز», دەلىنگەن حابارلامادا.
