فوتو: vkadre_kz
«الاتاۋداي بيىك تۇلعالى الماتىلىق اعايىن ءۇشىن اسى جايلاۋىنىڭ قادىرى مەن قاسيەتى بولەك. بۇنى ءبىز جىل باسىندا وسىندا كەلگەندە ەرەكشە اڭعاردىق. ەكى جارىم مىڭ مەتر بيىكتىكتە ەن جايلاعان قاستەرلى مەكەننىڭ جەكەگە ءوتىپ كەتكەنى جەرگىلىكتى جۇرتتىڭ قابىرعاسىنا قاتتى باتقان. ماساق اۋىلدىق وكرۋگى تۇرعىندارى «بۇعىتى» اۋماعىنداعى كولەمى 2,4 مىڭ گەكتار جەر ۋچاسكەسى جەكەنىڭ قولىندا ەكەنىن ايتىپ شاعىمدانعان بولاتىن. ءماجىلىس دەپۋتاتى باقىتجان بازاربەك, اۋىل شارۋاشىلىعى مينيسترلىگى, جەر رەسۋرستارىن باسقارۋ كوميتەتىنىڭ توراعاسى – جەردى پايدالانۋ مەن قورعاۋ جونىندەگى باس مەملەكەتتىك ينسپەكتورى مۇرات تەمىرجانوۆپەن بىرگە ارنايى كەلىپ, جەرگىلىكتى جۇرتپەن جۇزدەستىك.
ءبىز بۇل ماسەلەنى بەس اي بۇرىن كەلگەندە ەستىگەن سوڭ ماسەلەنى كوتەرگەنبىز. حالىقتىڭ مال جايۋ مۇقتاجىن قاناعاتتاندىرۋ ماقساتىندا جايلاۋدىڭ ءبىرشاما بولىگى مەملەكەت مەنشىگىنە قايتارىلعانىن جەتكىزدىك. وسى ورايدا وبلىس بويىنشا بارلىعى 213,5 مىڭ گا جايىلىمدىق جەرلەر اۋىلدىق وكرۋگتەرگە بەرىلگەنىن ەرەكشە اتاپ وتكەنىمىز ءجون.
بۇل جۇمىستاردىڭ بارلىعى «جەر اماناتى» كوميسسياسىنىڭ جەرگىلىكتى اتقارۋشى ورگاندارمەن بىرلەسە وتىرىپ اتقارعان جۇمىستارىنىڭ ناتيجەسى. بۇل يگىلىكتى ءىستىڭ باسى عانا. كەزىندە جەرگە قيسىنسىز يەلىك ەتىپ, جايىلىم جەردىڭ تاپشىلىعىن قولدان جاساۋشىلارمەن كۇرەس ءالى دە جالعاسا بەرمەك», دەپ جازدى د.كارىبەك Facebook پاراقشاسىندا.
