اسكەري قىزمەتشىلەر وتباسىلارىمەن بىرگە ورنالاسىپ جاتقان ءۇي كۇرشىمدە ورنالاسقان. جالپى اۋدانى 778,7 شارشى مەتر عيماراتتا 32 پاتەر بار.
ء«بىز اسكەري قىزمەتشىلەرگە جاقسى جاعداي جاساۋعا تىرىسامىز. وسى ماقساتتا ەسكى عيماراتتى جوندەۋ جۇمىستارى 2020 جىلى باستالدى. ناتيجەسىندە بۇگىن, مىنە پاتەريەلەرىنە كىلتتەرىن تابىستاپ جاتىرمىز. ارىپتەستەرىمدى شىن جۇرەكتەن قونىس تويىمەن قۇتتىقتايمىن», دەدى اشقق اسكەرلەرى قولباسشىسىنىڭ تىل جونىندەگى ورىنباسارى پولكوۆنيك اسىلحان تاۋباەۆ.
بۇل جوبا ءبىرىنشى كەزەكتە اسكەري قىزمەتشىلەردىڭ وتباسى مۇشەلەرىنىڭ لايىقتى ءومىر ءسۇرۋى ءۇشىن بارلىق جاعدايدى جاساۋعا ارنالعان.
«بۇگىن باسپانالى بولدىم. شالعايداعى اسكەري بولىمدەردى نازاردان تىس قالدىرماعانى جانە ءبىزدىڭ ءال-اۋقاتىمىزدى ارتتىرۋعا قامقورلىق جاساعانى ءۇشىن قورعانىس مينيسترلىگىنە العىس ايتقىم كەلەدى. ەندى ءبىزدىڭ كەڭ, جارىق جانە جىلى ءۇيىمىز بار. ونىڭ ۇستىنە جوندەۋ جۇمىستارى دا جاقسى جاسالعان», دەدى اسكەري قىزمەتشىنىڭ جۇبايى باقىت كامالوۆا.
ايتا كەتەيىك, پاتەر كىلتتەرىن تاپسىرۋ ءراسىمى مەملەكەتتىك مەرەكە قارساڭىندا سالتاناتتى تۇردە ءوتتى.
