فوتو: اشىق دەرەككوز
وبلىستىق پوليتسيا دەپارتامەنتىنىڭ باستىعى ارمانبەك بايمۋرزين جولدارداعى كۇردەلى جاعدايعا بايلانىستى 750-دەن استام پوليتسيا قىزمەتكەرى كۇندىز-ءتۇنى جولداردا كەزەكشىلىك ەتىپ جاتقانىن ءمالىم ەتتى.
«اۋا رايى جاقسارعانعا دەيىن اتالعان اۋماقتار سىزدەردىڭ قاۋىپسىزدىكتەرىڭىز ءۇشىن جابىلادى. شەكتەۋ شارالارىنا تۇسىنىستىكپەن قاراۋدى سۇرايمىن. ساعات سايىن بىزگە بۇزىلىپ قالعان كولىكتەر تۋرالى حابارلامالار ءتۇسىپ جاتىر. تاس جولداردا 1000-نان استام اۆتوكولىك كەپتەلىپ تۇر. پوليتسيانىڭ 750-دەن استام قىزمەتكەرى ولارعا كومەكتەسىپ, تاۋلىك بويى كەزەكشىلىكتەرىن اتقارىپ ءجۇر. ءبىز كۇشەيتىلگەن رەجيمدە جۇمىس ىستەپ جاتىرمىز», دەدى دەپارتامەنت باستىعى.
پوليتسيا دەپارتامەنتىنىڭ باستىعى تۇرعىنداردى اۋا-رايىنىڭ جاقسارۋىن كۇتۋگە جانە الىس ساپارلاردى بىرنەشە كۇن كەيىنگە قالدىرۋعا شاقىردى.
