فوتو: اشىق دەرەككوز
ەسكە سالا كەتسەك, بيىل مەملەكەتتىك كىرىستەر كوميتەتى بانك شوتتارىنا كاسىپكەرلىك قىزمەتپەن بايلانىستى اقشا تۇسكەن ازاماتتار تۋرالى بانكتەردەن اقپارات الا باستادى.
«كاسىپكەرلىك قىزمەتتى جۇزەگە اسىرۋ بەلگىلەرىن ايقىنداۋ ولشەمشارتى جەكە تۇلعانىڭ ۇش اي قاتارىنان اي سايىن ءار ءتۇرلى تۇلعالاردان جەكە بانكتىك شوتقا 100-دەن استام اۋدارىم الۋى بولىپ تابىلادى», دەپ ءتۇسىندىردى كوميتەت ءباسپاسوز قىزمەتى.
ايتا كەتۋ كەرەك, بانكتەردەن اقپارات كەزەڭ-كەزەڭىمەن بەرىلەدى. دالىرەك ايتقاندا:
- 2023 جىلعى 1 قاڭتاردان باستاپ – مەملەكەتتىك قىزمەتشىلەرگە, ولارعا تەڭەستىرىلگەن تۇلعالارعا جانە ولاردىڭ جۇبايلارىنا (2022 جىلدىڭ قورىتىندىسى بويىنشا);
- 2024 جىلعى 1 قاڭتاردان باستاپ – مەملەكەتتىك ورگانداردىڭ, كۆازيمەملەكەتتىك سەكتور سۋبەكتىلەرىنىڭ قىزمەتكەرلەرىنە جانە ولاردىڭ جۇبايلارىنا (2023 جىلدىڭ قورىتىندىسى بويىنشا);
- 2025 جىلعى 1 قاڭتاردان باستاپ – دارا كاسىپكەرلەر, زاڭدى تۇلعالاردىڭ باسشىلارى جانە ولاردىڭ جۇبايلارى ءۇشىن (2024 جىلدىڭ قورىتىندىسى بويىنشا);
- 2026 جىلعى 1 قاڭتاردان باستاپ – حالىقتىڭ قالعان بولىگى ءۇشىن (2025 جىلدىڭ قورىتىندىسى بويىنشا).
مەملەكەتتىك كىرىستەر كوميتەتى باقىلاۋ شارالارى ادال سالىق تولەۋشىلەرگە اسەر ەتپەيتىنىن جانە جاسىرىن كىرىستەر مەن تىركەلمەگەن كاسىپكەرلەردى انىقتاۋعا باعىتتالعانىن اتاپ ءوتتى.
بۇل رەتتە جەكە تۇلعالار وزدەرىنىڭ جەكە ماقساتتارى ءۇشىن (مىسالى, تۋىستارىنا, دوستارىنا اقشا اۋدارۋ, اتا-انالار مەن بالالارعا كومەك كورسەتۋ, سونداي-اق باسقا دا ومىرلىك جاعدايلار ءۇشىن) ءموبيلدى اۋدارىمداردى ەركىن جۇزەگە اسىرا الادى.
