«ەلوردالىق كلۋبتىڭ تەحنيكالىق ديرەكتورى قىزمەتىنە وتاندىق مامان سامات سماقوۆ تاعايىندالدى.
سامات سماقوۆ اياقدوپشى رەتىندە ۇلكەن جەتىستىكتەرگە قول جەتكىزىپ, تانىمالدىققا يە بولدى, كەيىن «اقتوبە» فۋتبول كلۋبىندا باس ديرەكتور قىزمەتىن اتقارىپ, «ەلىماي» كومانداسىن باس باپكەرى رەتىندە پرەمەر-ليگاعا شىعاردى.
كلۋب باسشىلىعى سامات قابير ۇلىنىڭ فۋتبول سالاسىنداعى كاسىبي مول تاجىريبەسىنىڭ ارقاسىندا, الداعى ۋاقىتتا «استانا» فۋتبول كلۋبىنىڭ تەحنيكالىق باعىتتاعى جۇمىستارى تەك وڭ شەشىمىن تاۋىپ, دامي تۇسەدى دەپ سەنىم بىلدىرەدى.
تەحنيكالىق ديرەكتوردىڭ مىندەتتەرىنە سپورت ءبولىمىنىڭ قىزمەتىن تەحنيكالىق تۇرعىدا قامتاماسىز ەتۋ, ونىڭ ىشىندە فۋتبول اكادەمياسىنىڭ قۇرىلىسى مەن تابىستى جۇمىس ىستەۋى جاتادى», دەپ تۇسىندىرىلگەن فۋتبول كلۋبىنىڭ ءباسپاسوز قىزمەتى تاراتقان حابارلامادا.
