الەمدىك ەكونوميكا جانە ساياسات ينستيتۋتىنىڭ ۇيىمداستىرۋىمەن كلۋبتىڭ VII وتىرىسى اشىلدى. بۇل جولى وتىرىس «بەيبىتشىلىكتىڭ جاڭا فورمۋلاسى: ترانسفورماتسيا قارساڭىندا» تاقىرىبىنا ارنالدى. جيىندا سەگىز تاقىرىپتىق سەسسيا جوسپارلانعان. اتاپ ايتساق, «باياۋلاپ قالعان» الەمدىك ەكونوميكا: فراگمەنتاتسيا قاۋپى جانە ونى قالاي شەشۋ كەرەك؟ «ۇلكەن ورتالىق ازيا: اۋعانستان جانە ايماقتىڭ بولاشاعى», «سانكتسيالار: شىنايىلىق ارقىلى تەكسەرۋ», «تاياۋ شىعىس: ايماقتى نە كۇتەدى؟», « ۇلى ءبولىنىس: بلوكاليزاتسيا ءداۋىرى», «الىپتار تەكەتىرەسى: اقش پەن قىتايدىڭ الەمدىك تارتىپتە باسىمدىققا يە بولۋ ءۇشىن تالاسى», «ۋاقىت تاياپ قالدى: جاھاندىق كليمات ماسەلەسى جانە ونى قالاي شەشۋ كەرەك؟», «جي رەۆوليۋتسياسى: الەمنىڭ سوڭى, ءبىز بۇل جونىندە نە بىلەمىز؟» تاقىرىپتارى تالقىعا سالىندى.
استانا كلۋبىنىڭ سەسسيالارىنىڭ ءبىر بولىگى ادەتتەگىدەي ساراپشى پىكىرلەرىنىڭ قۇپيالىلىعى ساقتالاتىن Chatham House ەرەجەسى بويىنشا وتەدى. بۇل قاعيدا اشىق ءارى سەنىمدى كاسىبي ديالوگ قۇرۋعا اسەر ەتەدى.
بيىلعى استانا كلۋبىنا اقش, قىتاي, رەسەي, يسپانيا, بەلگيا, ءۇندىستان, تۇركيا, وڭتۇستىك كورەيا, ۇلىبريتانيا جانە باسقا دا ەلدەردەن 40-تان استام سپيكەر قاتىسىپ جاتىر.
استانا كلۋبىنىڭ VII وتىرىسىنىڭ قاتىسۋشىلارى قاتارىندا:
– حوسە لۋيس ساپاتەرو, يسپانيا پرەمەر-ءمينيسترى (2004-2011), بۇۇ-نىڭ «وركەنيەتتەر اليانسىنىڭ» باستاماشىسى.
– يۆ لەتەرم, ءتيىمدى لوگيستيكا جونىندەگى جاھاندىق كواليتسيانىڭ تەڭ توراعاسى (GCEL), ەىدۇ باس حاتشىسىنىڭ ورىنباسارى (2011-2014), بەلگيانىڭ ەكس پرەمەر-ءمينيسترى.
– دجەيمس ليندسي, حالىقارالىق ىستەر جونىندەگى كەڭەستىڭ اعا ۆيتسە-پرەزيدەنتى (CFR).
– ەۆان فەيگەنباۋم, كارنەگي قورىنىڭ ۆيتسە-پرەزيدەنتى, اقش مەملەكەتتىك حاتشىسى كومەكشىسىنىڭ ورىنباسارى (2006-2009).
– ەدۆارد ليۋتتۆاك, ENL Associates پرەزيدەنتى, ستراتەگيالىق جانە حالىقارالىق زەرتتەۋلەر ورتالىعىنىڭ اعا كەڭەسشىسى (CSIS).
– ۋربان رۋسناك, سلوۆاكيا رەسپۋبليكاسى ءسىم ەرەكشە تاپسىرمالار جونىندەگى ەلشىسى, ەنەرگەتيكالىق حارتيانىڭ باس حاتشىسى (2012-2021).
– چون رە كۆون, بەيبىتشىلىك سالاسىنداعى نوبەل پرەمياسىنىڭ لاۋرەاتى, پان گي مۋن اتىنداعى قوردىڭ ديرەكتورى, بۇۇ جانىنداعى كليماتتىڭ وزگەرۋى جونىندەگى ۇكىمەتارالىق ساراپشىلار توبىنىڭ (كوۇست) مۇشەسى.
– پيتەر فرانكوپان, وكسفورد ۋنيۆەرسيتەتىنىڭ الەمدىك تاريح پروفەسسورى, «جىبەك جولى: الەمنىڭ جاڭا تاريحى» بەستسەللەرىنىڭ اۆتورى (2015).
– يان چەن, شانحاي جاھاندىق باسقارۋ جانە وڭىرلىك زەرتتەۋلەر اكادەمياسىنىڭ باسشىسى (SAGGAS).
– اريەل كوەن, اعا عىلىمي قىزمەتكەر, ەنەرگەتيكا جانە قاۋىپسىزدىك باعدارلاماسىنىڭ ديرەكتورى, اتلانتيكالىق كەڭەس.
2015 جىلدان بەرى كلۋب جۇمىسىنا الەمنىڭ 40-تان استام ەلىنەن 200-دەن استام سپيكەر قاتىسقانىن ايتا كەتەيىك.
ءارتۇرلى جىلدارى استانا كلۋبىنىڭ سپيكەرلەرى مەن حەدلاينەرلەرى قاتارىندا جوزە مانۋەل بارروزۋ, مۇحاممەد ءال-بارادەي, احمەت داۋىتوعلۋ, ۆاتسلاۆ كلاۋس, حاميد كارزاي, دجوردج فريدمان, روبەرت كاپلان, دجەيكوب فرەنكەل جانە باسقا دا اتاقتى ساياساتكەرلەر, ساراپشىلار مەن بيزنەس كوشباسشىلارى بولدى.
