باعانىڭ ءوسۋى ستەپنوگورسك قالاسىنىڭ تۇرعىندارىنا ايتارلىقتاي سەزىلەدى. بۇل جەردە جەرگىلىكتى جىلۋ ەلەكتر ورتالىعىنىڭ ءتاريفى 6 تەڭگەگە كوتەرىلەدى. الماتىدا دا باعانىڭ ءوسۋى ايتارلىقتاي بايقالادى - 4 تەڭگەگە قىمباتتايدى. قازاقستاندا ورتاشا ەسەپپەن ەلەكتر قۋاتىنىڭ ءتاريفى ءبىر كيلوۆاتت-ساعات ءۇشىن 2 تەڭگەگە وسەدى.
ءتيىستى باسقارمانىڭ ستاتيستيكالىق مالىمەتتەرىنە سۇيەنسەك, ەلەكتر ەنەرگياسىن ءوندىرۋ كەزىندە شىعىنداردىڭ جارتىسىنان كوبى وتىن مەن ونى تاسىمالداۋعا كەتەتىن شىعىندار ەكەن.
باعانىڭ ءوسۋى ەنەرگيا ءوندىرۋشى كومپانيالاردىڭ جۇمىسشىلارىنىڭ جالاقىسىن يندەكساتسيالاۋدى دا قامتۋى كەرەك, ونى ينفلياتسياعا پروپورتسيونالدى تۇردە ارتتىرۋ قاجەت.
