فوتو: elements.envato.com
بيىل باس قالانى قىسقى ماۋسىمعا دايىنداپ, جاڭا جىلدىق بەزەندىرۋگە قانشا قارجى بولىنگەنى بەلگىلى بولدى.
دەمالىس ورىندارىن قۇرۋ, جاڭا جىلدىق بەزەندىرۋمەن وعان بولىنەتىن قارجى سۋمماسىن قالا اكىمدىگى 5 شاعىن اۋدان (ەسىل, سارىارقا, بايقوڭىر, الماتى, نۇرا) اكىمدىگىنىڭ ءوز قۇزىرەتىنە قالدىرعان.
دەسە دە, اكىمدىكتەر قالانى بەزەندىرۋگە بيۋدجەتتەن قارجى بولۋدەن باس تارتپاعان.
قىسقى دەمالىس ورىندارىن قۇرۋ مەن بەزەندىرۋگە ءبىرىنشى كەزەكتە بارىن سالىپ وتىرعان ەسىل اۋدانى بيۋدجەتتەن - 352 ملن تەڭگە بولگەن.
ەكىنشى ورىندا قالانى بەزەندىرۋگە قوماقتى قارجىنى نۇرا اۋدانى قاراستىرعان. اتالعان اۋدان قىسقى مەرەكەلەردىڭ ءسانىن كەلتىرەتىن ايماق دايىنداۋعا اكىمدىك بيۋدجەتىنەن 150 ملن تەڭگە باعىتتاعان.
ودان كەيىنگى ساتىدا سارىارقا اۋدانى وسى باعىتتاعى جۇمىستاردى جۇرگىزۋگە 146 ملن تەڭگە ءبولىپ وتىر.
ال الماتى اۋدانى بەزەندىرۋگە - 105 ملن تەڭگە جۇمساماق.
بايقوڭىر اۋدانى سىرعاناق, مۇز ايدىنى مەن جاڭا جىلدىق بەزەندىرۋ ءۇشىن - 83 ملن تەڭگە بولگەن.
ەلوردانى بەزەندىرۋگە جالپى جيىنى - 836 ملن (836 000 000) تەڭگە جۇمسالماق.
قىسقى سىرعاناقتار مەن مۇز ايدىندارى دايىندالاتىن مەكەنجايلاردى مىنا جەردەن بىلۋگە بولادى.
