«ونىڭ جالپى سوماسى 9,4 ملرد تەڭگەنى قۇرايدى. بۇگىندە 381 ادام 2,7 ملرد تەڭگە سوماسىندا شاعىن نەسيە الدى. ەڭ كوپ ءوتىنىم ەڭبەكشىقازاق, ۇيعىر, بالقاش اۋداندارىنىڭ تۇرعىندارىنان كەلىپ ءتۇستى», دەيدى ق.بايعوجاەۆ.
ولاردىڭ باسىم بولىگى مال شارۋاشىلىعىمەن اينالىسادى. جالپاق جۇرتتىڭ جاعدايىن كوتەرۋگە باعىتتالعان جوباعا قاتىسۋعا تىلەك بىلدىرگەندەر از بولماعان. سولاردىڭ قاتارىندا ءوز كاسىبىن اشپاققا نيەت بىلدىرگەن ەڭبەكشىقازاق اۋدانىنىڭ تۇرعىنى ءبىلال احمەتوۆ تە بار.
«مەتالل پروكاتىن ۇيىمداستىرۋ بويىنشا بيزنەس-جوسپاردى قورعاپ, 2,5 پايىزبەن شاعىن نەسيە الدىم. كەرەك جابدىقتاردى ساتىپ الىپ, ءوز ءۇيىمنىڭ اۋلاسىندا شيفەر شاعىراتىن تسەح سالدىم. ءوندىرىس تەحنولوگياسى وتە قاراپايىم, جەلىگە مەتالل پاراقتى سالادى دا, ول مەحانيزم ارقىلى وتەدى. شىعۋ كەزىندە دايىن مەتالل شيفەر الىنادى. قازىر مەن جاقىن ماڭداعى 8 اۋىلدى مەتالل شيفەرمەن قامتاماسىز ەتۋدى باستاپ كەتتىك», دەيدى وتاندىق ءونىم ءوندىرۋشى ءبىلال احمەتوۆ.
قۇرىلىس قارقىن العان ۋاقىتتا ءىستىڭ كوزىن تاپقان كاسىپكەردىڭ بۇل ءونىمى اۋدانداعى 8 اۋىلدىڭ تۇرعىنى ءۇشىن قولجەتىمدىلىكتى ارتتىرىپ, سۇرانىستى ەسەلەپ كەلەدى. ەندىگى جەردە قۇرىلىس باستاعان ازاماتتار ۇيلەرىنىڭ نەمەسە سارايلارى مەن مال قورالارىن قاپتاۋ ءۇشىن شاتىر ىزدەپ الىسقا سابىلمايدى.
«بۇرىن ادامدار قىتاي تاۋارلارىن ساتىپ الاتىن. اۋداندا باسەكەگە لايىق وتاندىق تاۋار پايدا بولدى. ساپاسى جاعىنان باسقا شيفەرلاردان كەم تۇسپەيدى, بىراق باعاسى ەكى ەسە ارزان. يمپورتتالعان تاۋاردىڭ مەترى 4 مىڭ تەڭگە, ال بىزدىكى بار بولعانى 2 مىڭ تەڭگەدەن ساۋدالانۋدا. ساپاسى مەن باعاسى كوڭىلىنەن شىققاندىقتان, ءونىمىمىز تەز ءوتىپ جاتىر», دەيدى ول.
ءسوز سوڭىندا ەسكە سالار جايت, ازاماتتاردان تۇسكەن وتىنىمدەردەگى جالپى قاراجات سوماسىنىڭ وبلىسقا بەرىلگەن قاراجاتتان اسىپ كەتۋىنە بايلانىستى «اۋىل اماناتى» باعدارلاماسى بويىنشا وتىنىمدەردى قابىلداۋ توقتاتىلعان.
الماتى وبلىسى
