فوتو: masa.media
ەلىمىزدە جالپى حالىقتىق دەكلاراتسيا تاپسىرۋ 2021 جىلى باستالدى. بۇل جىلى تابىسى مەن مۇلكى تۋرالى دەرەكتەردى دەپۋتات, شەنەۋنىك, مەملەكەتتىك ورگاندا جۇمىس ىستەيتىن ازاماتتار تىركەدى. ال بيىل ءتىزىمدى كۆازيمەملەكەتتىك سەكتورداعى مەكەمە مەن بيۋدجەت قىزمەتكەرلەرى, مۇعالىمدەر مەن دارىگەرلەر تولىقتىردى. 2024 جىلى بۇل قاتارعا جك, جشس (يپ, توو) بويىنشا قىزمەت كورسەتەتىن جەكە كاسىپكەرلەر مەن ولاردىڭ جۇبايلارى قوسىلادى.
اسىلىندا دەكلاراتسيانى كەزەڭ-كەزەڭىمەن 18 جاستان اسقان بارلىق ازاماتتار, ءتىپتى, زەينەتكەرلەر دە تاپسىرۋعا مىندەتتى. ازاماتتاردىڭ بۇل ساناتى مۇلكى مەن اكتيۆتەرى تۋرالى اقپاراتتاردى 2025 جىلدان باستاپ تاپسىرادى.
جالپىحالىقتىق دەكلاراتسيانىڭ ءىىى كەزەڭى 2024 جىلدىڭ 1 قاڭتارىندا باستالادى. جك, جشس (يپ, توو) يەلەرى مەن ولاردىڭ جۇبايلارى جىلجىمايتىن م ۇلىك, تابىس, قولما قول اقشاسى تۋرالى اقپاراتتى 2024 جىلدىڭ 15 قىركۇيەگىنە دەيىن تاپسىرۋ شارت. بۇل كەزەڭدە 3,9 ميلليون ازامات دەكلاراتسيا تاپسىرادى دەپ بولجانىپ وتىر.
ءىىى كەزەڭدە دەكلاراتسيا تاپسىرۋى ءتيىس جك, جشس يەلەرى مەن ونىڭ جۇبايلارى جاپپاي كاسىپتەرىن جابۋ ءۇشىن جانتالاسىپ جاتقانى جاسىرىن ەمەس. قارجىگەرلەر قوعامدا قالىپتاسقان بۇل ءۇردىس دۇرىس ەمەس دەيدى. وسى جاعداياتتا ەسكەرەتىنى, قىزمەتىن توقتاتقان يپ, توو-نى جابۋ ۇتىمدى بولسا, جك, جشس ارقىلى تابىس تاۋىپ تۇرعان كاسىپتى جابۋدىڭ قاجەتى جوق. كەرىسىنشە, تابىسى بار جك, جشس جابۋ قالتاڭىزدى قارجىدان قاعىپ قانا قويماي, زاڭسىز ارەكەت جاساۋعا يتەرمەلەۋى مۇمكىن. ەڭ ۇتىمدى شەشىم, كاسىبىڭىزدى ءارى قاراي دوڭگەلەتىپ, بەلگىلەنگەن مولشەردە سالىقتى تولەۋ. ايتپەگەندە الىپ-ساتۋ بويىنشا مۇلكىڭىزدىڭ قۇنىنان جىلدىق تابىسىڭىز اسىپ كەتسە, مەملەكەتتىك ورگاندار جەمقورلىق دەرەگى بويىنشا ارنايى تەكسەرىس جۇرگىزۋگە قۇقىلى. قانداي جاعدايدا دا ءسىزدىڭ جانە جۇبايىڭىزدىڭ بانكتىك شوتتارى بازادان انىق كورىنەتىنىن ۇمىتپاڭىز.
قاراپايىم مىسال كەلتىرەيىك, 2024 جىلى 30 ميلليون تەڭگەلىك اۆتوكولىك ساتىپ الدىڭىز دەيىك. ەگەر 12 ايداعى تابىسىڭىز بۇل سۋمماعا جەتپەسە, نەسيە راسىمدەگەن بولماساڭىز, م ۇلىكتى قانداي تابىسقا العانىڭىز تەكسەرىلەدى. وتكەن جىلعى تاپسىرعان دەكلاراتسياداعى قۇجاتتا تابىس, اكتيۆتەرىڭىز تولىق كورسەتىلمەسە جەمقورلىق دەرەگىنە كۇمان تۋىنداۋى بەك مۇمكىن.
ەگەر ازامات انىقتالعان مەرزىمدە دەكلاراتسيا تاپسىرماي, ءبىر رەتتىك ەسكەرتۋدى ەسكەرمەسە 15 اەك (51 750 تگ) كولەمىندە ايىپپۇل سالىنادى.
