جىلى جۇزدەسۋ بارىسىندا ۆولونتەرلەردىڭ جىل بويى اتقارعان جان جادىراتار مازمۇندى جۇمىستارى ەكشەلىپ, قول جەتكىزگەن تولايىم تابىس ءادىل تارازى باسىنا تارتىلدى. بايىپتاي اڭعارساڭىز, از دۇنيە ەمەس ەكەن. 89 ۇيىمدا باستارى قوسىلعان 3600-گە جۋىق جاس توعىز باعىت بويىنشا تىندىرىمدى جۇمىس اتقارىپتى. جىل بويى 1282 ءىس-شارا وتكىزىلگەن. ولاردىڭ ارقايسىسى ادامگەرشىلىكتىڭ اسىل قاسيەتتەرىن بويىنا ءسىڭىرىپ, جەلكىلدەپ ءوسىپ كەلە جاتقان جاستاردىڭ اق نيەتىن, ادال پەيىلىن ايعاقتايتىن ادەمى مىسالدار. قوعامنىڭ وسىلايشا ىزگىلەنۋى, نۇرلانۋى قانداي جاراسىمدى. ەل بولاشاعىن ويلايتىن جاس تولقىننىڭ اۋىز بىرلىگى, كوزقاراستارىنىڭ ىزگىلىكتى ارنادا توقايلاسۋى, جاڭا ءبىر سەرپىنمەن دامۋى ءۇمىت شىراعىن لاۋلاتىپ تۇر. ايتپاقشى, ۆولونتەرلەردىڭ باستاماسىمەن وتكەن جىل ىشىندە مۇقتاج جاندارعا 21 ميلليون 120 مىڭ تەڭگە قاراجات جينالعان.
ۆولونتەرلەر ەل ىشىندەگى الەۋمەتتىك جاعىنان از قامتىلعان 807 وتباسىعا ازىق-ت ۇلىك اپارىپ بەرىپ, داستارقاندارىن دامگە تولتىرعان. مۇنان وزگە دە قامقورلىقتىڭ عاجايىپ ۇلگىسى تالايدى ءتانتى ەتتى.
كەزدەسۋ بارىسىندا جىل ىشىندە اتقارعان ەسەلى ەڭبەكتەرى ءۇشىن ەرىكتىلەر وبلىس اكىمى م.احمەتجانوۆتىڭ, ۇلتتىق ۆولونتەرلىك جەلى زاڭدى تۇلعالار بىرلەستىگىنىڭ اتقارۋشى ديرەكتورى ت.ميرونيۋكتىڭ جانە وبلىستىق ىشكى ساياسات باسقارماسىنىڭ باسشىسى ا.ءاليننىڭ اقجارما تىلەكتەرى جازىلعان العىس حاتتارىمەن ماراپاتتالدى. جىل ناتيجەسىن قورىتىندىلايتىن بايقاۋ وتكىزىلىپ, جومارت جاندى جاستاردىڭ ەسىمدەرى بەلگىلى بولدى. وسى ءبىر تولقىننىڭ ونەگەلى ىستەرى زامانداستارىنا ۇلگى بولىپ, كەڭ قانات جايسا, كەلىستى بولماق.
كوكشەتاۋ
