فوتو: gov.kz
مارات قاراباەۆ مەردىگەرلەرگە بۇدان بىلاي جول جوبالارىنا قاتىستى قولدان قىمباتشىلىق جاساۋلارىنا جول بەرىلمەيتىنىن قاتاڭ ەسكەرتتى.
«كەيبىر كومپانيالار جۇمىس باستالعان العاشقى جىلى جۇمىستاردى ادەيى كەشىكتىرىپ, ءۇشىنشى-ءتورتىنشى جىلى قىمباتتاۋ ماسەلەسىن العا تارتادى. وسىنداي تاجىريبەگە تاپ بولىپ وتىرمىز. بۇل رەتتە «ەڭ باسىندا كەلىسىلگەن سومادان ارتىق ەشتەڭە بەرىلمەيدى» دەپ بىردەن ايتامىن. بۇرىن-سوڭدى باسقا ۋچاسكەلەردە, اتاپ ايتقاندا, «قاراعاندى – بالقاش» جانە «تالدىقورعان – وسكەمەن» ۋچاسكەلەرىندە جۇمىس ىستەگەن ارىپتەستەرىڭىزدىڭ تاجىريبەسىنە قاراڭىزدار. بۇل بارشاعا ساباق بولىپ, ەندى قايتالانبايدى. بۇدان بىلاي جول جوبالارىنا قاتىستى قولدان قىمباتشىلىق جاساۋلارىڭىزعا جول بەرىلمەيدى. قولىڭىزدان كەلمەسە, كەلىسىمشارتتى بۇزىپ, جۇمىستى سول جەردەن توقتاتىڭىز. بۇل بارلىق مەردىگەر مەن جول جوبالارىنا قاتىستى ايتىلىپ وتىر», دەدى مينيستر.
ول سونداي-اق كولىك مينيسترلىگى تاراپىنان جوبالار قۇنىنىڭ قىمباتتاۋىنان وزگە باسقا بارلىق ماسەلە بويىنشا جول قۇرىلىسشىلارىنا اردايىم كومەك كورسەتۋگە دايىن ەكەنىن اتاپ ءوتتى.
مارات قاراباەۆ مەملەكەتتىك ورگان تەرىس تاجىريبەسى بار كومپانيالار قازاقستاننىڭ جاڭا جول جوبالارىنا قاتىسا المايتىنداي ەتىپ زاڭناماعا وزگەرىستەر ەنگىزۋگە باستاماشى بولعانىن ايتتى.
«قارا تىزىم» بۇرىن دا بولعان, الايدا قازىر اتالعان نورمانى پايدالانۋ اياسىن ودان ءارى كەڭەيتكىمىز كەلەدى. سوندىقتان ەلىمىزگە العاش رەت كىرىپ جاتقان كومپانيالار بىردەن وزدەرىنە «قازاقستانعا ۇزاق ۋاقىت جۇمىس ىستەۋگە كەلدىك پە الدە جوق پا؟» دەگەن سۇراققا جاۋاپ بەرۋلەرى كەرەك. ويتكەنى الداعى 6 جىلدا 8 مىڭ شاقىرىمعا جۋىق جولدا قۇرىلىس جۇمىستارىن جۇرگىزۋ جوسپارلانىپ وتىر», دەپ ەسكەرتتى كولىك سالاسىنا جاۋاپتى مينيستر, ايتۋىنشا مەردىگەرلەر جوبالارعا تولىققاندى دايىندىقپەن كىرىسۋ قاجەت.
