جىلىجايدىڭ اشىلۋىنا «ەكولوگيكا» قوعامدىق قورى قولداۋ ءبىلدىردى. قور باسشىسى تاتيانا تەگايدىڭ ايتۋىنشا, بۇل – «تەڭىزشەۆرويل» كومپانياسىنىڭ الەۋمەتتىك باعدارلامالار ينۆەستيتسياسى اياسىنداعى «جاسىل مەكتەپ» جوباسىمەن اشىلعان العاشقى جىلىجاي. ەندى مۇندا الۋان ءتۇرلى گۇل مەن كوكونىستى ءوسىرۋ جوسپارلانىپ وتىر. جوباعا 3-9-سىنىپتاردىڭ 380 وقۋشىسى قاتىسادى.
«اتىراۋ وبلىسىنداعى تۇيتكىلدى ماسەلەنىڭ ءبىرى – ەكولوگيا. سول سەبەپتەن, مۇنداي يننوۆاتسيالىق ءارى جاسىل جوبا وزگە مەكتەپتەردە قولعا الىنۋى كەرەك. ماقسات – وقۋشىلاردى قورشاعان ورتانى قورعاۋعا جۇمىلدىرىپ, ەكولوگيالىق تازا كوكونىستەر وسىرۋگە ىنتالاندىرۋ», دەيدى وبلىستىق ءبىلىم باسقارماسىنىڭ باسشىسى ەرلان سلامبەكوۆ.
«ەكولوگيكا» قوعامدىق قورىنىڭ باسشىسى تاتيانا تەگايدىڭ دەرەگىنە قاراعاندا, بۇل جوبانى ىسكە اسىرۋدىڭ بىرنەشە ماقساتى بار. الدىمەن مەكتەپتەردە ەكوبىلىم بەرۋدى ەنگىزۋ كوزدەلگەن. سونداي-اق ءبىلىم وردالارى جانىنان جىلىجاي ۇيىمداستىرۋ جوسپارلانعان. ەندى مۇنداي جوبا وزگە مەكتەپتەردە دە قولعا الىنۋى مۇمكىن.
«تەڭىزشەۆرويل» جشس ەكولوگيا ءبولىمىنىڭ باس مەنەدجەرى روندا يودەردىڭ مالىمەتىنشە, «تەڭىز» كەن ورنىندا قالدىقتاردىڭ 35 ءتۇرى وڭدەلەدى. ال وڭدەلگەن قالدىقتاردىڭ 44 پايىزىن قايتا پايدالانۋ مۇمكىندىگى بار.
«قوقىستى قايتا وڭدەۋ دە پايدا اكەلەدى. سول سەبەپتەن, «جاسىل مەكتەپ» جوباسىنا قاتىسۋشى بالالار جينايتىن, سۇرىپتايتىن بوتەلكەلەر مەن قاعازدار دا كادەگە اسادى. ەكولوگ رەتىندە بالالاردىڭ تابيعاتتى قورعاۋعا دەگەن شىنايى قىزىعۋشىلىعىن بايقادىم», دەيدى روندا يودەر.
ەكولوگتەر بالالارعا جىلىجاي مەن وسىمدىك شارۋاشىلىعىن جۇرگىزۋ, سۋ مەن ەنەرگيانى ۇنەمدەۋ, قالدىقتاردى قايتا وڭدەۋ نەگىزدەرىن ۇيرەتتى. ءدارىس تىڭداعان بالالار 38 كيلو قاعاز قالدىعى مەن 20 كيلو پلاستيكالىق بوتەلكە جينادى.
اتىراۋ وبلىسى
