- تاڭەرتەڭ ۇيقىدان ۋاقتىلى ويانۋ كۇنىڭىزدى ءونىمدى ەتەدى ءارى ويانۋدى كەيىنگە ىسىرا بەرمەۋ كوڭىل-كۇيىڭىزدىڭ جاقسارۋىنا دا اسەر ەتەدى. سوندىقتان وياتقىشقا بىرنەشە ۋاقىتتى بەلگىلەمەي, ءبىر عانا مەزگىلدى ساقتاپ, سول ۋاقىتتا ويانىڭىز. ۋاقتىلى, لەزدە تۇرۋ - كۇننىڭ ءبىرىنشى جەڭىسى. مي كىشكەنتاي جەتىستىككە قۋانىپ, ءارى قارايعى ىستەرىڭىزدى شابىتپەن ورىنداۋعا سەپتەسەدى.
- تۇرعان بويدا تەلەفوندى قولعا الۋعا اسىقپاڭىز. تەلەفوندى شەكتەن تىس قولدانۋ دەنساۋلىققا زيان ەكەنى ءمالىم. ال, تاڭەرتەڭ تەلەفونداعى وقىعان جاعىمسىز اقپاراتتارىڭىز كۇنى بويى ويلاندىرىپ, باسقا ىسكە قولىڭىز بارماي قالۋى بەك مۇمكىن.
- كوزىڭىزدى اشا سالا توسەكتەن تۇرۋعا اسىقپاڭىز. كوز ويانعانمەن باسقا اعزالار ويانىپ ۇلگەرمەيدى. اعزاعا دۇرىس تونۋس بەرۋ ءۇشىن جانە اشۋلانشاقتىقتىڭ الدىن الۋ ءۇشىن توسەكتە ءسال جاتىپ, سوزىلىپ, تىنىس الۋ گيمناستيكاسىن نەمەسە جەڭىل جاتتىعۋ جاساۋ كەرەك.
- تاڭەرتەڭ كوفە ءىشىپ نە مايلى تاعام جەۋگە قۇمارتپاڭىز. ويانىپ ۇلگەرمەگەن اعزا مۇنداي كۇشتى قابىلداۋعا دايىن بولمايدى. سوندىقتان اسقورىتۋ اعزالارىنا زاقىم كەلۋى عاجاپ ەمەس. كوفەنىڭ ورنىنا بال قوسىلعان جىلى سۋدى تاڭداڭىز. پايدالى, جەڭىل تاڭعى اس ۇزاققا دەيىن توق ءجۇرۋدىڭ عانا ەمەس, سەرگەك, ساۋ بولىپ ءجۇرۋىڭىزدىڭ كەپىلى.
